આઈપીએલ 2026માં દિલ્હીને જીત અપાવનાર સમીર રિઝવીનો પરિવાર જુઓ
સમીર રિઝવીની સફળતા વર્ષોની મહેનત અને તેમના પિતાના અતૂટ વિશ્વાસનું પરિણામ છે. સમીરનો જન્મ 6 ડિસેમ્બર, 2003 ના રોજ મેરઠમાં થયો હતો, જેને ઘણીવાર ભારતીય ક્રિકેટની "નર્સરી" તરીકે ઓળખવામાં આવે છે.સમીર રિઝવીના પરિવાર વિશે જાણો
લખનૌના એકાના સ્ટેડિયમમાં દિલ્હીના યુવા બેટ્સમેન સમીર રિઝવીએ શાનદાર પ્રદર્શન કર્યું હતું, 37 બોલમાં અડધી સદી ફટકારી. આ અડધી સદી મુશ્કેલ સમયમાં આવી હતી. આજે આપણે સમીર રિઝવીના પરિવાર અને પર્સનલ લાઈફ વિશે જાણો.
સમીર રિઝવીનો જન્મ 6 ડિસેમ્બર 2003ના રોજ થયો છે. તે એક ભારતીય ક્રિકેટર છે જે સ્થાનિક ક્રિકેટમાં ઉત્તર પ્રદેશ માટે રમે છે.તેમણે અંડર-19 સ્તરે ભારતનું પ્રતિનિધિત્વ કરતી ક્રિકેટ મેચ પણ રમી છે.
સમીર રિઝવીનો પરિવાર જુઓ
રૈના જેવી રમવાની સ્ટાઈલને કારણે સોશિયલ મીડિયા પર તેમને જમણા હાથના સુરેશ રૈના તરીકે ઉપનામ આપવામાં આવે છે. રિઝવીએ અગિયાર વર્ષની ઉંમરે ક્રિકેટ રમવાનું શરૂ કર્યું હતુ,
મેરઠની ગાંધીબાગ એકેડેમીમાં આ રમતનો અભ્યાસ શરૂ કર્યો, જ્યાં તેને તેના મામા તંકીબ અખ્તર દ્વારા કોચિંગ આપવામાં આવ્યું, જેમણે સમીરને ક્રિકેટને ગંભીરતાથી લેવાની પ્રેરણા આપી.
સમીરને અભ્યાસ પર ધ્યાન કેન્દ્રિત કરવાથી વિચલિત કરવા બદલ અખ્તરને સમીરના પિતાના ગુસ્સાનો પણ સામનો કરવો પડ્યો હતો. 2011માં ઉત્તર પ્રદેશ અને સૌરાષ્ટ્ર વચ્ચેની રણજી ટ્રોફી મેચમાં રિઝવીએ ઉત્તર પ્રદેશના કેપ્ટન સુરેશ રૈનાનું ધ્યાન ખેંચ્યું હતુ,
જે 8 વર્ષના રિઝવીના ફિલ્ડિંગ પ્રયાસોથી પ્રભાવિત થયા. રૈનાએ આખરે રિઝવીમાં પ્રતિભા જોઈ અને તેને તેના સનગ્લાસ ભેટમાં આપી હતી.
રિઝવી અંડર-16 સ્તર સુધી બેટિંગ ઓપનિંગ કરતો હતો, પરંતુ સ્પિન બોલિંગ સામે બેટિંગની તેની રમત જોયા પછી તેના એક કોચ દ્વારા તેને મિડલ ઓર્ડરમાં બેટિંગ કરવા માટે મનાવવામાં આવ્યો.
વર્ષોથી તેણે મોટી હિટિંગ માટે તેની પ્રતિષ્ઠા વધારી. તેણે તેની કારકિર્દીમાં ખૂબ મોડેથી શિક્ષણ શરૂ કર્યું હોવાનું કહેવાય છે અને 20 વર્ષનો થયા પછી જ તેણે ધોરણ 10 ની પરીક્ષાઓ પૂર્ણ કરી હોવાનું કહેવાય છે.
સમીર રિઝવી પહેલી વાર 2020માં ઉત્તર પ્રદેશ માટે ફર્સ્ટ ક્લાસ ડેબ્યૂ કરીને પ્રસિદ્ધિ પામ્યા હતા, પરંતુ તેમની સાચી ઓળખ 2023 ની યુપી ટી20 લીગમાં સ્થાપિત થઈ હતી. તેમણે તે ટુર્નામેન્ટ સીઝનમાં 455 રન બનાવ્યા હતા, જેમાં 35 છગ્ગા ફટકાર્યા હતા.
આ પ્રભાવશાળી પ્રદર્શને પસંદગીકારોનું ધ્યાન ખેંચ્યું હતું. તેમની પાવર-હિટિંગ કુશળતાને કારણે ચેન્નાઈ સુપર કિંગ્સે તેમને 2024ની IPL ઓક્શનમાં 8.4 કરોડમાં ખરીદ્યા હતા, પરંતુ 2025ની મેગા ઓક્શનમાં દિલ્હી કેપિટલ્સે તેમને 95 લાખમાં ખરીદ્યો હતો.
સમીરે તેના આઈપીએલ કારકિર્દીના પહેલા જ બોલ પર સ્ટાર ઓલરાઉન્ડર રાશિદ ખાનની બોલ પર સિક્સર ફટકારી હતી.ડીસીએ 2026ની આઈપીએલ સીઝન પહેલા રિઝવીને રિટેન રાખ્યો હતો.
હવે, ઉત્તર પ્રદેશના આ ખેલાડીએ આ સીઝનની શરૂઆત ધમાકેદાર રીતે કરી છે. તે આ સીઝનમાં દિલ્હી માટે મુખ્ય ખેલાડી સાબિત થઈ શકે છે.
