પત્ની બોલિવુડ અભિનેત્રી તો સસરા છે સુપરસ્ટાર, ક્રિકેટરનો આવો છે પરિવાર
કે. રાહુલે 2014 માં મેલબોર્નમાં બોક્સિંગ ડે ટેસ્ટમાં ઓસ્ટ્રેલિયા સામે આંતરરાષ્ટ્રીય ક્રિકેટમાં પ્રવેશ કર્યો હતો. તેના ટેસ્ટ ડેબ્યૂના બે વર્ષ પછી, રાહુલે 2016માં ઝિમ્બાબ્વે સામે એક દિવસીય આંતરરાષ્ટ્રીય ક્રિકેટમાં પ્રવેશ કર્યો હતો,તો આજે આપણે કે.એલ રાહુલની પર્સનલ લાઈફ વિશે જાણીએ
રાહુલ મેંગલોરમાં મોટો થયો છે. તેણે 10 વર્ષની ઉંમરે ક્રિકેટ તાલીમ શરૂ કરી હતી, અને બે વર્ષ પછી, બેંગ્લોર યુનાઇટેડ ક્રિકેટ ક્લબ અને મેંગલોરમાં તેના ક્લબ બંને માટે મેચ રમવાનું શરૂ કર્યું હતું. 18 વર્ષની ઉંમરે, તે જૈન યુનિવર્સિટીમાં અભ્યાસ કરવા અને તેની ક્રિકેટ કારકિર્દી બનાવવા માટે બેંગ્લોર ગયો હતો.
રાહુલે 2010-11 સીઝનમાં કર્ણાટક માટે ફર્સ્ટ-ક્લાસ ક્રિકેટમાં ડેબ્યૂ કર્યું હતું. તે જ સીઝનમાં, તેણે 2010 ICC અંડર-19 ક્રિકેટ વર્લ્ડ કપમાં પોતાના દેશનું પ્રતિનિધિત્વ કર્યું હતું, જેમાં તેણે 143 રન બનાવ્યા હતા.
તેણે 2013માં ઇન્ડિયન પ્રીમિયર લીગમાં રોયલ ચેલેન્જર્સ બેંગ્લોર માટે ડેબ્યૂ કર્યું હતું. 2013-14 ડોમેસ્ટિક સીઝન દરમિયાન તેણે 1,033 ફર્સ્ટ-ક્લાસ રન બનાવ્યા હતા, જે તે સીઝનમાં બીજા ક્રમનો સૌથી વધુ સ્કોર હતો.
2014-15 દુલીપ ટ્રોફીની ફાઇનલમાં સેન્ટ્રલ ઝોન સામે દક્ષિણ ઝોન તરફથી રમતા રાહુલે પહેલી ઇનિંગમાં 233 બોલમાં 185 અને બીજી ઇનિંગમાં 152 બોલમાં 130 રન બનાવ્યા હતા. તેમને મેચનો શ્રેષ્ઠ ખેલાડી જાહેર કરવામાં આવ્યા હતા અને ત્યારબાદ ઓસ્ટ્રેલિયાના પ્રવાસ માટે ભારતીય ટેસ્ટ ટીમમાં પસંદગી કરવામાં આવી હતી.
ટેસ્ટ સિરીઝ પછી સ્વદેશ પરત ફરતા, રાહુલ કર્ણાટકનો પ્રથમ ત્રેવડી સદી ફટકારનાર ખેલાડી બન્યો, તેણે ઉત્તર પ્રદેશ સામે 337 રન બનાવ્યા. તેણે2014-15ની રણજી ટ્રોફીની ફાઇનલમાં તમિલનાડુ સામે 188 રન બનાવ્યા અને તેણે રમેલી નવ મેચમાં 93.11ની સરેરાશ સાથે સિઝનનો અંત કર્યો હતો.
ભારત માટે કેએલ રાહુલે 2014 માં ઓસ્ટ્રેલિયા સામે ટેસ્ટ ડેબ્યૂ કર્યું હતું, જ્યારે 2016માં ઝિમ્બાબ્વે સામે વનડે અને ટી20 ડેબ્યૂ કર્યું હતું.
આપણે આજે જાણીશું કે, કે.એલ રાહુલ અને આથિયા શેટ્ટીએ કેટલો અભ્યાસ કર્યો છે. કે.એલ રાહુલના પરિવારમાં કોણ કોણ છે. તો ચાલો જાણીએ.આથિયા શેટ્ટીએ મુંબઈની કેથેડ્રલ અને જોન કોનન સ્કૂલ અને અમેરિકન સ્કૂલ ઓફ બોમ્બેમાં અભ્યાસ કર્યો છે. તે આર્ટ્સ કોર્સમાં સ્નાતક છે.
ભારતીય ક્રિકેટર કે.એલ રાહુલ અને બોલિવુડ અભિનેત્રી આથિયા શેટ્ટીએ 23 જાન્યુઆરી 2023ના રોજ લગ્નના બંધનમાં બંધાયા હતા. હવે બંન્ને ટુંક સમયમાં જ માતા-પિતા બનવા જઈ રહ્યા છે.
તમને જણાવી દઈએ કે, સુનીલ શેટ્ટીની પુત્રી અને બોલીવુડ અભિનેત્રી આથિયા શેટ્ટીએ ભારતીય ક્રિકેટર કેએલ રાહુલની પત્ની છે એટલે કે. એલ રાહુલના સસરા સુનીલ શેટ્ટી છે.
Published On - 7:08 am, Thu, 6 March 25
