ઉછીના પૈસા લઈ પિતાએ ક્રિકેટ કીટ દીકરાને આપી, આજે કરોડપતિ છે કાર્તિક જુઓ પરિવાર
કાર્તિક ત્યાગી ઉત્તર પ્રદેશના હાપુરના રહેવાસી છે. તે ખેડૂત પરિવારમાંથી આવે છે. એવું કહેવાય છે કે ક્રિકેટ પ્રત્યેનો તેમનો જુસ્સો 5 વર્ષની ઉંમરે શરૂ થયો હતો.
કાર્તિક ત્યાગીનો જન્મ 8 નવેમ્બર 2000 રોજ થયો છે. તે એક ભારતીય ક્રિકેટર છે. તે સ્થાનિક ક્રિકેટમાં ઉત્તર પ્રદેશ અને ઇન્ડિયન પ્રીમિયર લીગમાં કોલકાતા નાઈટ રાઇડર્સ માટે રમે છે.
તેણે 6 ઓક્ટોબર 2017ના રોજ 2017-18 રણજી ટ્રોફીમાં ફર્સ્ટ-ક્લાસ ડેબ્યૂ કર્યું હતું. કાર્તિક ત્યાગી ભારતની 2020 U19 વર્લ્ડ કપ ટીમનો મુખ્ય સભ્ય હતો, જ્યાં તેણે ભારતની ફાઇનલ સુધીની મેચ દરમિયાન 11 વિકેટ લીધી હતી.
તેણે 5 ફેબ્રુઆરી 2018ના રોજ2017-18 વિજય હજારે ટ્રોફીમાં ઉત્તર પ્રદેશ માટે લિસ્ટ એમાં ડેબ્યૂ કર્યું હતુ. ડિસેમ્બર 2019માં તેને 2020 અંડર-19 ક્રિકેટ વર્લ્ડ કપ માટે ભારતની ટીમમાં સ્થાન આપવામાં આવ્યું હતુ.
કાર્તિક ત્યાગીનો પરિવાર જુઓ
2020ના IPL ઓક્શનમાં તેને 20 લાખ રૂપિયાના ઇન્ડિયન પ્રીમિયર લીગ પહેલા રાજસ્થાન રોયલ્સ દ્વારા ખરીદવામાં આવ્યો હતો. તેણે 6 ઓક્ટોબર 2020ના રોજ મુંબઈ ઇન્ડિયન્સ સામે 2020 ઇન્ડિયન પ્રીમિયર લીગમાં રાજસ્થાન રોયલ્સ માટે ટ્વેન્ટી20 ડેબ્યૂ કર્યું હતુ.
26 ઓક્ટોબર 2020ના રોજ કાર્તિક ત્યાગીને ઓસ્ટ્રેલિયાના પ્રવાસ માટે ભારતીય ક્રિકેટ ટીમ સાથે મુસાફરી કરનારા ચાર વધારાના બોલરોમાંના એક તરીકે નામ આપવામાં આવ્યું હતુ.
21 સપ્ટેમ્બર 2021ના રોજ, ત્યાગીએ પંજાબ કિંગ્સ સામેની છેલ્લી ઓવરમાં ચાર રનનો બચાવ કરતી વખતે માત્ર એક રન આપ્યો, અને તેને મેન ઓફ ધ મેચ જાહેર કરવામાં આવ્યો હતો.
ફેબ્રુઆરી 2022માં ઇન્ડિયન પ્રીમિયર લીગ ટુર્નામેન્ટ માટે ઓક્શનમાં સનરાઇઝર્સ હૈદરાબાદ દ્વારા તેમને ખરીદવામાં આવ્યો હતો.બે સીઝન પછી નવેમ્બર 2023માં સનરાઇઝર્સ હૈદરાબાદ દ્વારા તેમને રિલીઝ કરવામાં આવ્યો હતો.
કાર્તિક એક ગરીબ ખેડૂત પરિવારમાંથી આવે છે. તેના પિતા યોગેન્દ્રએ તેને ક્રિકેટ શીખવવા માટે ઘણી મુશ્કેલીઓનો સામનો કર્યો હતો. એક સમય હતો જ્યારે ત્યાગી ખેતરોમાં તેના પિતાને મદદ કરતો હતો. આ બધા સંઘર્ષો વચ્ચે, એક વાત ચોક્કસ હતી. તે ક્રિકેટર બનવા માંગતો હતો.
17 વર્ષની ઉંમરે, ત્યાગીએ કૂચ બિહાર ટ્રોફીમાં શાનદાર પ્રદર્શન કર્યું અને ઉત્તર પ્રદેશની રણજી ટ્રોફી ટીમમાં સ્થાન મેળવ્યું.
ત્યારબાદ તેણે ભૂતપૂર્વ ચેમ્પિયન વિદર્ભ સામે શાનદાર બોલિંગ કરીને તેની ટીમને જીત અપાવી. આનાથી કાર્તિકનું જીવન બદલાઈ ગયું.
કાર્તિક એક વખત કહ્યું હતુ કે,આ સ્થાન સુધી પહોંચવા માટે મેં અને મારા પિતાએ ઘણી મુશ્કેલીઓનો સામનો કર્યો. મને બાળપણથી જ ક્રિકેટ ખૂબ ગમતું હતું, અને મારા પિતાએ મને જોયો અને ટેકો આપ્યો.
બોલ સ્વિંગ કરવામાં માહિર કાર્તિક ત્યાગી ઉત્તર પ્રદેશ તરફથી અંડર-14, વિજય મર્ચન્ટ ટ્રોફી અંડર-16, યુપી અંડર-19 અને રણજી ટ્રોફીમાં રમી ચૂક્યો છે.
