IND vs AUS : ટી-20 સીરિઝમાં બનશે એક, બે નહી પરંતુ 8 રેકોર્ડ, જસપ્રીત બુમરાહ અને સૂર્યકુમાર યાદવ ઈતિહાસ રચવાની નજીક
IND vs AUS T20I : ઓસ્ટ્રેલિયા સીરિઝ આવતા વર્ષે શરૂ થનારા T20 વર્લ્ડ કપ માટે ભારતની તૈયારીઓની શરૂઆત દર્શાવે છે. તો આ સીરિઝમાં અનેક રેકોર્ડ તુટી શકે છે.
ભારત અને ઓસ્ટ્રેલિયા વચ્ચે ટી-20 સીરિઝની શરુઆત થનારી છે. ભારતીય ટીમ ઓસ્ટ્રેલિયા વિરુદ્ધ 5 મેચની ટી-20 સીરિઝ રમશે. બંન્ને ટીમે પોતાની છેલ્લી 10 ટી20 આંતરરાષ્ટ્રીય મેચમાંથી 8માં જીત મેળવી છે. તેમજ 1-1માં હાર મેળવી છે. ત્યારે આ મેચ બરાબરી પર થવાની શક્યતા છે.
ભારતીય ટીમની એક મેચ ટાઈ રહી છે.જ્યારે ઓસ્ટ્રેલિયાની એક મેચમાં વરસાદનું વિધ્ન આવ્યું હતુ. ઓસ્ટ્રેલિયા સીરિઝ આવતા વર્ષે શરુ થનાર ટી-20 વર્લ્ડકપ માટે ભારતની તૈયારીની શરુઆત છે.
જેમાં 15 મેચ રમવાની છે. આ ટી-20 સીરિઝમાં અનેક મહારેકોર્ડ બનશે અને તૂટશે. ત્યારે ચાલો જાણીએ એવા 8 રેકોર્ડ વિશે જે આ ટી-20 સીરિઝમાં બની શકે છે.
હવે આપણે આ મહારેકોર્ડ વિશે વાત કરીએ તો.1, સંજુ સેમસન ભારત માટે 50મી ટી20 ઈન્ટરનેશનલ મેચ રમવાથી 1 મેચ દુર છે. 2,વોશિંગ્ટન સુંદર ટી20 ઈન્ટરનેશનલમાં 50 વિકેટથી માત્ર 2 વિકેટ દુર છે.3, ટિમ ડેવિડ ટી20 ઈન્ટરનેશનલમાં 100 સિક્સથી 5 સિક્સ દુર છે. 4, જસપ્રીત બુમરાહ ટી20 ઈન્ટરનેશનલમાં 100 વિકેટથી માત્ર 4 વિકેટ દુર છે.
5,સૂર્યકુમાર યાદવ ટી20 ઈન્ટરનેશનલમાં 150 સિક્સથી માત્ર 2 સિક્સ દુર છે. 6, સંજુ સેમસન ટી20 ઈન્ટરનેશનલમાં 1000 રનથી માત્ર 7 રન દુર છે.7, તિલક વર્મા ટી20 ઈન્ટરનેશલ મેચમાં 1000 રનથી માત્ર 38 રન દુર છે. તેમજ 8,મિશેલ માર્શ ટી20 ઈન્ટરનેશનલમાં 2000 રનથી માત્ર 4 રન દુર છે.
આપણે ભારતીય ટીમની જોઈએ તો. સૂર્યકુમાર યાદવ, અભિષેક શર્મા, શુભમન ગિલ, તિલક વર્મા,નીતિશ કુમાર રેડ્ડી, શિવમ દુબે, અક્ષર પટેલ , જિતેશ શર્મા, વરુણ ચક્રવર્તી,અર્શદીપ સિંહ,કુલદીપ યાદવ, હર્ષિત રાણા, સંજુ સેમસન, રિંકુ સિંહ અને વોશિંગ્ટન સુંદર સામેલ છે.
