IND vs PAK: 2026માં ફરી થશે ભારત-પાકિસ્તાનની ટક્કર? જાણો ક્યારે યોજાશે મહામુકાબલો
ભારત અને પાકિસ્તાન વચ્ચેની ક્રિકેટ મેચ હંમેશા ચાહકો માટે ખાસ હોય છે. 2026માં બંને ટીમો ફરી એક વખત મેદાન પર ટકરાઈ શકે છે. જોકે, આ વખતે એક મોટો ફેરફાર જોવા મળશે. ટીમ ઈન્ડિયાના બે દિગ્ગજ વિરાટ કોહલી અને રોહિત શર્મા આ મેચમાં રમતા જોવા નહીં મળે. જાણો સમગ્ર સમીકરણ.
ભારત અને પાકિસ્તાન વચ્ચેની ક્રિકેટ મેચની રાહ ચાહકો હંમેશા જોતા હોય છે. બંને દેશો વચ્ચે દ્વિપક્ષીય શ્રેણી ન રમાતી હોવાથી મોટી ટુર્નામેન્ટમાં થતી ટક્કરનું મહત્વ વધી જાય છે.
2026માં ભારત અને પાકિસ્તાન વચ્ચે T20 વર્લ્ડ કપમાં મુકાબલો થયો હતો, જે બાદ હવે બંને ટીમો એશિયન ગેમ્સ 2026માં પણ એકબીજા સામે રમી શકે છે.
જોકે, એશિયન ગેમ્સમાં ભારત તરફથી વિરાટ કોહલી અને રોહિત શર્મા જોવા નહીં મળે. બંને ખેલાડીઓએ 2024માં T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી હતી.
એશિયન ગેમ્સની મેન્સ ક્રિકેટ સ્પર્ધામાં ભારત, પાકિસ્તાન, શ્રીલંકા અને બાંગ્લાદેશને સીધો નોકઆઉટમાં પ્રવેશ મળ્યો છે. ભારત અને પાકિસ્તાન અલગ-અલગ હાફમાં હોવાથી બંને ટીમો સીધી ક્વાર્ટર ફાઈનલમાં ટકરાશે નહીં.
જો બંને ટીમો પોતાની સેમિફાઈનલ મેચ જીતી જશે તો ભારત-પાકિસ્તાન વચ્ચે ગોલ્ડ મેડલ મેચમાં રોમાંચક મુકાબલો જોવા મળી શકે છે. મેન્સ ક્રિકેટ સ્પર્ધા 24 સપ્ટેમ્બરથી 1 ઓક્ટોબર દરમિયાન યોજાશે. (PC:PTI/X)
Published On - 8:58 pm, Thu, 6 August 26
