IND vs NZ : કોહલીના બેટિંગ ઓર્ડર બદલવા અંગે રોહિતે આપ્યો જવાબ, 46 રને આઉટ થયા પર કહી 4 મોટી વાતો
બેંગલુરુ ટેસ્ટના બીજા દિવસે ન્યુઝીલેન્ડે ટીમ ઈન્ડિયા પર 134 રનની લીડ મેળવી લીધી છે. ભારતીય ટીમ પ્રથમ દાવમાં માત્ર 46 રનમાં સમેટાઈ ગઈ હતી. પ્રથમ દિવસની રમત બાદ રોહિત શર્માએ પોતાની ભૂલ સ્વીકારી અને ચાર મોટી વાતો કહી.
બેંગલુરુ ટેસ્ટમાં ટીમ ઈન્ડિયાની હાલત ખરાબ છે. બીજા દિવસની રમતના અંત સુધીમાં ભારતીય ટીમ 46 રનમાં આઉટ થઈ ગઈ હતી અને ન્યુઝીલેન્ડે 3 વિકેટે 180 રન બનાવ્યા હતા. દિવસની રમત બાદ કેપ્ટન રોહિત શર્માએ પોતાના નિર્ણયોથી લઈને રિષભ પંતની ઈજા અને વિરાટ કોહલીના બેટિંગ ક્રમમાં બદલાવ અંગે વાતો કહી હતી.
બેંગલુરુ ટેસ્ટના બીજા દિવસના અંત બાદ રોહિત શર્માએ સ્વીકાર્યું કે તેણે પિચ સમજવામાં ભૂલ કરી હતી. તેઓ વિચારતા હતા કે પિચ સપાટ હશે જે બેટ્સમેનોને મદદ કરશે, પરંતુ થયું તેનાથી વિપરીત.
રોહિત શર્માએ જણાવ્યું કે વિરાટ કોહલીનો બેટિંગ ઓર્ડર બદલાયો કારણ કે વિરાટ કોહલીએ પોતે આ નિર્ણય લીધો હતો. રોહિતે કહ્યું કે તે કેએલ રાહુલ અને સરફરાઝને પોતાના નંબર પરથી હટાવવા માંગતો નથી.
મેચ દરમિયાન પંતના પગમાં બોલ વાગ્યો હતો અને તેણે મેદાન છોડવું પડ્યું હતું. રોહિતે કહ્યું કે બોલ એ જ પગમાં વાગ્યો હતો જેના પર સર્જરી કરવામાં આવી હતી. રોહિતના કહેવા પ્રમાણે, પંતના પગમાં સોજો છે અને તેની ઈજા કેટલી ગંભીર છે તે પછીથી જાણવા મળશે.
રોહિત શર્માએ પણ સ્વીકાર્યું કે ભારતીય બેટ્સમેનોની શોટ પસંદગી સારી ન હતી. ટીમ માટે આ ખરાબ દિવસ હતો. કેટલીકવાર તમે જે કરવા માંગો છો તે તમને મળતું નથી. (All Photo Credit : PTI)
