સૌથી ઓછી ઉંમરે સદી ફટકારનાર ભારતીય ખેલાડી કોણ છે ? શું વૈભવ સૂર્યવંશી લખશે નવો ઈતિહાસ ?
ભારતીય ક્રિકેટમાં સૌથી ઓછી ઉંમરે આંતરરાષ્ટ્રીય સદી ફટકારવાના અનેક ઐતિહાસિક રેકોર્ડ નોંધાયેલા છે. ટેસ્ટ, વનડે, ટી20 અને મહિલા ક્રિકેટમાં અલગ-અલગ ખેલાડીઓએ આ સિદ્ધિ મેળવી છે. હવે 17 વર્ષીય વૈભવ સૂર્યવંશી પર સૌની નજર છે. જો તેને તક મળશે અને સદી ફટકારશે, તો તે ભારતીય ક્રિકેટના ઈતિહાસમાં નવું પાનું ઉમેરી શકે છે.
આંતરરાષ્ટ્રીય ક્રિકેટમાં સૌથી ઓછી ઉંમરે સદી ફટકારવાનો રેકોર્ડ દરેક ફોર્મેટમાં અલગ ખેલાડીઓના નામે નોંધાયેલો છે. ટેસ્ટ, વનડે, T20 તેમજ મહિલા ક્રિકેટમાં ભારતીય ખેલાડીઓએ નાની ઉંમરે ઇતિહાસ રચ્યો છે. હવે સૌની નજર વૈભવ સૂર્યવંશી પર છે.
ભારતીય પુરુષ ટેસ્ટ ક્રિકેટમાં સૌથી ઓછી ઉંમરે સદી ફટકારવાનો રેકોર્ડ સચિન તેંડુલકરના નામે છે. તેણે 17 વર્ષ અને 107 દિવસની ઉંમરે 1990માં ઇંગ્લેન્ડ સામે અણનમ સદી ફટકારી હતી.
વનડે આંતરરાષ્ટ્રીય ક્રિકેટમાં સૌથી ઓછી ઉંમરે સદી ફટકારનાર ભારતીય યુવરાજ સિંહ છે. તેણે 21 વર્ષ અને 120 દિવસની ઉંમરે 2003માં ઓસ્ટ્રેલિયા સામે આ સિદ્ધિ નોંધાવી હતી.
T20 આંતરરાષ્ટ્રીય ક્રિકેટમાં સૌથી ઓછી ઉંમરે સદી ફટકારવાનો ભારતીય રેકોર્ડ તિલક વર્માના નામે છે. તેણે 22 વર્ષ અને 146 દિવસની ઉંમરે 2024માં દક્ષિણ આફ્રિકા સામે સદી ફટકારી હતી.
ભારતીય મહિલા ક્રિકેટમાં વનડેમાં મિતાલી રાજે માત્ર 19 વર્ષની ઉંમરે 1999માં આયર્લેન્ડ સામે સદી ફટકારી હતી.
ભારતીય મહિલા ક્રિકેટમાં ટેસ્ટમાં શાંતા રંગાસ્વામીએ 20 વર્ષની ઉંમરે 1977માં ન્યૂઝીલેન્ડ સામે પોતાની પ્રથમ ટેસ્ટ સદી નોંધાવી હતી.
સચિન, યુવરાજ, તિલક વર્મા, મિતાલી રાજ અને શાંતા રંગાસ્વામીના આ રેકોર્ડ આજે પણ ભારતીય ક્રિકેટમાં ખાસ સ્થાન ધરાવે છે. વર્ષો વીતી ગયા છતાં અલગ-અલગ ફોર્મેટમાં સૌથી યુવા સેન્ટુરિયન તરીકે તેમના નામ જ નોંધાયેલા છે.
માત્ર 15 વર્ષની ઉંમરે વૈભવ સૂર્યવંશી ટીમ ઈન્ડિયાના દરવાજા સુધી પહોંચી ગયો છે. જો ઈંગ્લેન્ડ સામે તેને આંતરરાષ્ટ્રીય ડેબ્યૂ કરવાની તક મળશે અને તે સદી ફટકારશે, તો તે ભારતીય ક્રિકેટના સૌથી ઓછી ઉંમરે આંતરરાષ્ટ્રીય સદી ફટકારનાર ખેલાડીઓની યાદીમાં પોતાનું નામ નોંધાવીને નવો ઈતિહાસ રચી શકે છે. (PC:PTI/X/ESPN)
