IND vs ENG : T20 બાદ ODI સિરીઝમાં ટીમ ઈન્ડિયાની વિજયી શરૂઆત, ઈંગ્લેન્ડને 4 વિકેટથી હરાવ્યું
T20 શ્રેણીમાં 4-1થી શાનદાર જીત બાદ ODI સિરીઝની પહેલી મેચમાં પણ ટીમ ઈન્ડિયાએ ઈંગ્લેન્ડને હરાવી ત્રણ મેચની વનડે શ્રેણીની વિજયી શરૂઆત કરી હતી. વનડે શ્રેણીની પહેલી મેચમાં ટીમ ઈન્ડિયાની બોલિંગ શાનદાર હતી પરંતુ કેપ્ટન રોહિત શર્માની નિષ્ફળતાએ ફરી એકવાર ટીમનું ટેન્શન વધારી દીધું. આ વખતે પણ રોહિત સિંગલ ડિજિટના સ્કોર પર આઉટ થયો. જોકે, બાકીના ખેલાડીઓએ ટીમને વિજય તરફ દોરી ગયા.
T20 શ્રેણી બાદ ટીમ ઈન્ડિયાએ ઈંગ્લેન્ડ સામેની વનડે શ્રેણીની શરૂઆત પણ જોરદાર રીતે કરી છે. ચેમ્પિયન્સ ટ્રોફી પહેલા ટીમ ઈન્ડિયાએ ઈંગ્લેન્ડ સામેની ODI શ્રેણીની પહેલી મેચ 4 વિકેટથી સરળતાથી જીતી લીધી હતી.
નાગપુરમાં રમાયેલી આ મેચમાં ટીમ ઈન્ડિયાએ રવીન્દ્ર જાડેજા અને હર્ષિત રાણાની મજબૂત બોલિંગના આધારે ઈંગ્લેન્ડને માત્ર 248 રનમાં જ રોકી દીધું. આ પછી શુભમન ગિલ, શ્રેયસ અય્યર અને અક્ષર પટેલની શાનદાર અડધી સદીની મદદથી ટીમ ઈન્ડિયાએ 40 ઓવરમાં જીત મેળવી હતી.
ચેમ્પિયન્સ ટ્રોફીની તૈયારીની દ્રષ્ટિએ મહત્વપૂર્ણ ગણાતી આ શ્રેણી સાથે ટીમ ઈન્ડિયાએ લાંબા સમય પછી ODI ક્રિકેટમાં વાપસી કરી. અગાઉ ભારતીય ટીમે જુલાઈ-ઓગસ્ટમાં શ્રીલંકા પ્રવાસ પર 3 ODI રમી હતી, જે 2023ના વર્લ્ડ કપ ફાઈનલ પછી ભારતની પ્રથમ અને એકમાત્ર ODI શ્રેણી હતી. આવી સ્થિતિમાં બધાની નજર ટીમ ઈન્ડિયાના ખેલાડીઓ આ ફોર્મેટમાં પોતાને કેવી રીતે સાબિત કરે છે તેના પર હતી. મોટાભાગના ખેલાડીઓએ નિરાશ ન કર્યા.
આ મેચમાં, ભારતીય ટીમે પ્રથમ બોલિંગ કરી અને મોહમ્મદ શમીએ કડક શરૂઆત કરી. પરંતુ બીજી તરફ ઈંગ્લિશ ઓપનરોએ વનડે ડેબ્યૂ કરનાર હર્ષિત રાણાની બોલિંગમાં આક્રમક બેટિંગ શરૂ કરી. ફિલ સોલ્ટ (45) રન આઉટ થયો ત્યારે આ જોડીએ માત્ર નવ ઓવરમાં 75 રન ઉમેર્યા હતા. અહીંથી ટીમ ઈન્ડિયાની વાપસી થઈ. હર્ષિતે પહેલા બેન ડકેટ (32) અને પછી હેરી બ્રુક (0)ની વિકેટ લીધી. રવીન્દ્ર જાડેજાએ જો રૂટ (19)ને આઉટ કર્યો.
મિડલ ઓર્ડરમાં, કેપ્ટન જોસ બટલર અને યુવા ઓલરાઉન્ડર જેકબ બેથેલે ટીમને સંભાળી. અગાઉ બટલર (52) એ અડધી સદી ફટકારી હતી અને તેના આઉટ થયા પછી બેથેલ (51) એ નીચલા ક્રમના ખેલાડીઓ સાથે મળીને ટીમનો સ્કોર 200 ને પાર પહોંચાડ્યો. બેથેલે પોતાની અડધી સદી પણ પૂર્ણ કરી પરંતુ તે પણ જાડેજાનો શિકાર બન્યો. અંતે જોફ્રા આર્ચર (21) એ કેટલાક મોટા શોટ ફટકારીને ટીમને 248 રન સુધી પહોંચાડી. હર્ષિત અને જાડેજાએ 3-3 વિકેટ લીધી, જ્યારે શમી, અક્ષર અને કુલદીપ યાદવને 1-1 સફળતા મળી.
હર્ષિત રાણાનું ડેબ્યૂ જોરદાર હતું, હવે બધાની નજર યશસ્વી જયસ્વાલ પર હતી. ઈજાને કારણે વિરાટ કોહલી મેચમાંથી બહાર થઈ ગયો, જેના કારણે જયસ્વાલ (15) ને ODI ડેબ્યૂ કરવાની તક મળી.જોકે, જોફ્રા આર્ચર અને સાકિબ મહમૂદની બોલિંગમાં તે પરેશાન દેખાતો હતો અને આખરે આર્ચરનો શિકાર બન્યો. સુકાની રોહિતે (2) ફરી નિરાશ કર્યા. ટેસ્ટ ફોર્મેટમાં તેનું ખરાબ ફોર્મ વનડેમાં પણ ચાલુ રહ્યું અને તેણે ફરીથી ખોટો શોટ રમીને પોતાની વિકેટ ગુમાવી દીધી.
હર્ષિત રાણાનું ડેબ્યૂ જોરદાર હતું, હવે બધાની નજર યશસ્વી જયસ્વાલ પર હતી. ઈજાને કારણે વિરાટ કોહલી મેચમાંથી બહાર થઈ ગયો, જેના કારણે જયસ્વાલ (15) ને ODI ડેબ્યૂ કરવાની તક મળી.જોકે, જોફ્રા આર્ચર અને સાકિબ મહમૂદની બોલિંગમાં તે પરેશાન દેખાતો હતો અને આખરે આર્ચરનો શિકાર બન્યો. સુકાની રોહિતે (2) ફરી નિરાશ કર્યા. ટેસ્ટ ફોર્મેટમાં તેનું ખરાબ ફોર્મ વનડેમાં પણ ચાલુ રહ્યું અને તેણે ફરીથી ખોટો શોટ રમીને પોતાની વિકેટ ગુમાવી દીધી.
અય્યરના આઉટ થયા પછી અક્ષર (52) અને ગિલે સાથે મળીને તેણે 108 રનની ભાગીદારી કરી અને જીત પર મહોર લગાવી. અક્ષરને અડધી સદી ફટકાર્યા બાદ આદિલ રશીદે બોલ્ડ આઉટ કર્યો, જ્યારે શુભમન ગિલ તેની સદીથી માત્ર 13 રન દૂર રહી આઉટ થયો. આ પછી હાર્દિક પંડ્યા અને રવીન્દ્ર જાડેજાએ ટીમને જીત તરફ દોરી. (All Photo Credit : PTI / X / BCCI)
Published On - 9:52 pm, Thu, 6 February 25
