IND vs ENG : 4 ખેલાડીઓ કરશે ડેબ્યૂ ! ઈંગ્લેન્ડ સામેની પ્રથમ ટેસ્ટમાં ટીમ ઈન્ડિયાની પ્લેઈંગ ઈલેવન કેવી હશે?
ટીમ ઈન્ડિયાની 2025-27 વર્લ્ડ ટેસ્ટ ચેમ્પિયનશિપની શરૂઆત 20 જૂનથી ઈંગ્લેન્ડ સામે રમાનારી ટેસ્ટ શ્રેણી સાથે કરશે. રોહિત શર્મા અને વિરાટ કોહલીના ટેસ્ટમાંથી નિવૃત્તિ પછી આ ભારતની પહેલી શ્રેણી છે. આવી સ્થિતિમાં, બધાની નજર ટીમ ઈન્ડિયાના પ્લેઈંગ 11 પર રહેશે.
ઉપ-કપ્તાન રિષભ પંત મધ્યમ ક્રમનો મુખ્ય આધાર રહેશે. ઈંગ્લેન્ડની પડકારજનક પરિસ્થિતિઓમાં તેની આક્રમક બેટિંગ અને વિકેટકીપિંગ મહત્વપૂર્ણ રહેશે. તે નંબર 5 પર રમશે. નીતિશ કુમાર રેડ્ડીને બેટિંગ ઓલરાઉન્ડર તરીકે ટીમમાં સામેલ કરી શકાય છે. તે બેટિંગની સાથે બોલિંગ પણ કરી શકે છે.
સ્ટાર ઓલરાઉન્ડર રવીન્દ્ર જાડેજા બેટ અને બોલ બંનેથી યોગદાન આપશે. તેની સ્પિન બોલિંગ અને નીચલા ક્રમની બેટિંગ ભારત માટે મહત્વપૂર્ણ રહેશે. શાર્દુલ ઠાકુર તેની સીમ બોલિંગ અને ઉપયોગી બેટિંગ માટે જાણીતો છે. તે નીચલા ક્રમમાં રન ઉમેરી શકે છે અને વિકેટ પણ લઈ શકે છે.
ભારતના ફાસ્ટ બોલર જસપ્રીત બુમરાહ રમશે તેવો વિશ્વાસ છે. તે ફાસ્ટ બોલિંગનું નેતૃત્વ કરશે. મોહમ્મદ સિરાજ બુમરાહને ટેકો આપશે. યુવા ફાસ્ટ બોલર અર્શદીપ સિંહને ટેસ્ટ ડેબ્યૂ કરવાની તક મળી શકે છે. તેની સ્વિંગ બોલિંગ અને કાઉન્ટી ક્રિકેટનો અનુભવ તેને આ શ્રેણી માટે મજબૂત દાવેદાર બનાવે છે.
જો આ મેચમાં અર્શદીપ સિંહ સિવાય યશસ્વી જયસ્વાલ, નીતિશ કુમાર રેડ્ડી અને કરુણ નાયરની પસંદગી કરવામાં આવે છે, તો આ મેચ આ ચાર ખેલાડીઓ માટે ખાસ ડેબ્યૂ હશે. વાસ્તવમાં, આ ખેલાડીઓ પહેલીવાર ઈંગ્લેન્ડમાં ટેસ્ટ મેચ રમતા જોવા મળશે. (All Photo Credit : PTI)
Published On - 9:59 pm, Mon, 16 June 25
