IND vs AUS : સિડની ટેસ્ટમાં પહેલા દિવસની રમત સમાપ્ત, ઓસ્ટ્રેલિયા પ્રથમ દાવમાં ભારતથી 176 રન પાછળ
ભારત અને ઓસ્ટ્રેલિયા વચ્ચે બોર્ડર ગાવસ્કર ટ્રોફીની છેલ્લી મેચ સિડનીમાં રમાઈ રહી છે. જેના પ્રથમ દિવસની રમત પૂરી થઈ ગઈ છે. ભારતે પ્રથમ દાવમાં 185 રન બનાવ્યા હતા જેના જવાબમાં ઓસ્ટ્રેલિયાએ 1 વિકેટે 9 રન બનાવ્યા હતા. ઓસ્ટ્રેલિયા પ્રથમ દાવમાં ભારતથી 176 રન પાછળ છે.
બોર્ડર-ગાવસ્કર ટ્રોફીની છેલ્લી મેચ 3 જાન્યુઆરીથી સિડનીમાં શરૂ થઈ હતી. બંને ટીમ પ્લેઈંગ-11માં ફેરફાર કરવામાં આવ્યા હતા. ભારતે રોહિત શર્મા અને આકાશદીપની જગ્યાએ શુભમન ગિલ અને પ્રસિદ્ધ કૃષ્ણાને ટીમમાં સામેલ કર્યા હતા. જ્યારે ઓસ્ટ્રેલિયાએ મિચેલ માર્શના સ્થાને બ્યુ વેબસ્ટરને ટીમમાં સામેલ કર્યો હતો.
સિડની ટેસ્ટમાં ટીમ ઈન્ડિયાની કપ્તાની અનુભવી ફાસ્ટ બોલર જસપ્રીત બુમરાહ કરી રહ્યો છે. બુમરાહે ટોસ જીતી પહેલા બેટિંગ કરવાનો નિર્ણય લીધો હતો.
ભારતના બેટિંગ ઓર્ડરનો ફરી ધબડકો થયો હતો. એક પણ બેટ્સમેન ફિફ્ટી સુધી પણ ન પહોંચી શક્યો અને ભારતીય ટીમ માત્ર 185 રનમાં ઓલઆઉટ થઈ ગઈ હતી.
ભારત તરફથી રિષભ પંતે સૌથી વધુ 40 રન બનાવ્યા હતા. જ્યારે રવીન્દ્ર જાડેજાએ 26 અને બુમરાહે 22 રનનું યોગદાન આપ્યું હતું.
ઓસ્ટ્રેલિયા તરફથી સ્કોટ બોલેન્ડે સૌથી વધુ 4 વિકેટ લીધી હતી. આ સિવાય સ્ટાર્ક 3 અને કમિન્સ 2 લેવામાં સફળ રહ્યા હતા.
ઓસ્ટ્રેલિયાએ દિવસના અંત સુધીમાં પોતની પહેલી ઈનિંગમાં 1 વિકેટ ગુમાવીને 9 રન બનાવ્યા હતા. બુમરાહે ખ્વાજાને 2 રન પર આઉટ કર્યો હતો. (All Photo Credit : PTI / GETTY / X)
Published On - 3:06 pm, Fri, 3 January 25