રોહિત શર્મા-યશસ્વી જયસ્વાલ સહિત સ્ટાર ખેલાડીઓની હાજરી છતાં મુંબઈની કારમી હાર
રણજી ટ્રોફી 2024-25માં જમ્મુ કાશ્મીરે મુંબઈ સામે 5 વિકેટે જીત મેળવી હતી. આ મેચમાં મુંબઈની ટીમ રોહિત-જયસ્વાલ સહિત સ્ટાર ખેલાડીઓ સાથે મેદાનમાં ઉતરી હતી. પરંતુ શાર્દુલ ઠાકુર સિવાય આ મેચમાં કોઈ સ્ટાર ખેલાડી રમી શક્યો નહોતો. આ સાથે જમ્મુ-કાશ્મીરે રણજી ટ્રોફીમાં બીજી વખત મુંબઈને હરાવ્યું હતું.
આ મેચમાં મુંબઈની ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. પરંતુ મુંબઈના બેટ્સમેનો તેનો ફાયદો ઉઠાવી શક્યા ન હતા અને 33.2 ઓવરમાં 120 રન બનાવીને ઓલઆઉટ થઈ ગયા હતા. રોહિત શર્મા 3, યશસ્વી જયસ્વાલ 4, રહાણે 12 અને શ્રેયસ અય્યર 11 રન બનાવી આઉટ થયા હતા. શિવમ દુબેનું ખાતું પણ ખોલાવી શક્યો ન હતો. જવાબમાં જમ્મુ-કાશ્મીરની ટીમે શાનદાર પ્રદર્શન કર્યું હતું અને પ્રથમ દાવમાં 206 રન બનાવ્યા હતા.
મુંબઈનો સ્ટાર બેટ્સમેન બીજી ઈનિંગમાં પણ ફ્લોપ રહ્યા હતા. જો કે શાર્દુલ ઠાકુરની સદીના આધારે ટીમ 290 રન બનાવીને જમ્મુ-કાશ્મીરને 205 રનનો લક્ષ્યાંક આપવામાં સફળ રહી હતી. 205 રનના લક્ષ્યાંકનો પીછો કરવા ઉતરેલી જમ્મુ-કાશ્મીરની ટીમે માત્ર 5 વિકેટ ગુમાવીને આ લક્ષ્યાંક હાંસલ કરી લીધો હતો અને ઐતિહાસિક જીત મેળવી હતી. જમ્મુ-કાશ્મીર માટે યુદ્ધવીર સિંહે શાનદાર પ્રદર્શન કર્યું. તેણે મેચમાં કુલ 7 વિકેટ લીધી, જેના માટે તેને પ્લેયર ઓફ ધ મેચ પસંદ કરવામાં આવ્યો. (All Photo Credit : PTI)
