IND vs PAK: ભારત-પાકિસ્તાન મેચ પહેલા ટીમ ઈન્ડિયાને મોટો ઝટકો, સ્ટાર ખેલાડી અચાનક થયો બીમાર
રવિવાર 23 ફેબ્રુઆરીએ દુબઈ ઈન્ટરનેશનલ સ્ટેડિયમમાં ભારત અને પાકિસ્તાન વચ્ચે રમાનારી મેચના એક દિવસ પહેલા ટીમ ઈન્ડિયાને આ ચિંતાજનક સમાચાર મળ્યા હતા. ટીમ ઈન્ડિયાનો સ્ટાર ખેલાડી અચાનક થયો બીમાર થઈ ગયો છે, જેના કારણે હવે પાકિસ્તાન સામેની મેચના દિવસે ટીમ ઈન્ડિયા પાસે ફક્ત એક જ વિકેટકીપર હશે.
હવે બધાની નજર તેના પર છે કે રવિવારની મેચ પહેલા પંત ફિટ થઈ શકશે કે નહીં. જોકે, પંતની ગેરહાજરી ટીમ ઈન્ડિયાના પ્લેઈંગ ઈલેવન પર કોઈ અસર કરશે નહીં, કારણ કે આ મેચમાં પણ તેના માટે રમવું મુશ્કેલ છે. ટીમ ઈન્ડિયાએ આ ટુર્નામેન્ટ માટે કેએલ રાહુલને પોતાના પહેલા વિકેટકીપર-બેટ્સમેન તરીકે પસંદ કર્યો છે. બાંગ્લાદેશ સામેની મેચમાં પણ રાહુલ જ ટીમ ઈન્ડિયાનો વિકેટકીપર હતો. આવી સ્થિતિમાં પંતને બીજી મેચમાં પણ સ્થાન મળવાનું નહોતું.
આમ છતાં પંતનું બીમાર પડવું ટીમ ઈન્ડિયા માટે ચિંતાનો વિષય છે, કારણ કે જો મેચ પહેલા અથવા દરમિયાન રાહુલને કંઈક થાય અને પંત પણ ફિટ ન રહે, તો ટીમ ઈન્ડિયાને વિકેટકીપર પસંદ કરવાની સમસ્યાનો સામનો કરવો પડશે. આ બે સિવાય ભારતીય ટીમમાં ત્રીજો મુખ્ય વિકેટકીપર નથી. આવી સ્થિતિમાં ભારતીય ટીમ આશા રાખશે કે રાહુલ સંપૂર્ણપણે ફિટ રહે, સાથે જ પંત પણ શક્ય તેટલી વહેલી તકે તાવમાંથી સ્વસ્થ થઈ જાય.
મેચની વાત કરીએ તો, 2023ના વર્લ્ડ કપ પછી ODI ક્રિકેટમાં ભારત અને પાકિસ્તાન વચ્ચે આ પહેલી ટક્કર છે, જ્યારે એશિયા કપ 2018 પછી તેઓ દુબઈ ઈન્ટરનેશનલ સ્ટેડિયમમાં પહેલી વાર આ ફોર્મેટમાં ટકરાશે. એશિયા કપમાં ભારત અને પાકિસ્તાન વચ્ચે દુબઈમાં બે મેચ રમાઈ હતી અને ટીમ ઈન્ડિયાએ બંને મેચ જીતી હતી. આ વખતે ટીમ ઈન્ડિયા હેટ્રિક પૂર્ણ કરવાનો પ્રયાસ કરશે, જ્યારે પાકિસ્તાન કોઈપણ ભોગે આ મેચ જીતીને સેમીફાઈનલમાં પહોંચવાની પોતાની આશા જીવંત રાખવાનો પ્રયાસ કરશે. (All Photo Credit : PTI / GETTY)
