Breaking News: IPLમાં સૌથી વધુ મેચ રમનાર ખેલાડી બન્યો વિરાટ કોહલી, એમએસ ધોની-રોહિત શર્માને પાછળ છોડ્યા
કોલકાતા નાઈટ રાઈડર્સ સામે મેદાનમાં ઉતરતા જ વિરાટ કોહલીએ ઈતિહાસ રચ્યો હતો. વિરાટ કોહલીએ IPLમાં એક મોટો રેકોર્ડ બનાવ્યો હતો. તે રોહિત શર્મા અને એમએસ ધોનીને પાછળ છોડીને IPLમાં સૌથી વધુ મેચ રમનાર ખેલાડી બન્યો છે.
રોયલ ચેલેન્જર્સ બેંગલુરુ અને કોલકાતા નાઈટ રાઈડર્સ વચ્ચેની મેચ દરમિયાન વિરાટ કોહલીએ એક મોટી સિદ્ધિ હાંસલ કરી. આ મેચ સાથે તેણે IPLમાં સૌથી વધુ મેચ રમવાના મામલે રોહિત શર્મા અને એમએસ ધોનીને પાછળ છોડી દીધા છે.
રાયપુરના શહીદ વીર નારાયણ સિંહ ઈન્ટરનેશનલ સ્ટેડિયમમાં વિરાટ કોહલી પોતાની 279 મી IPL મેચ રમવા માટે મેદાનમાં ઉતર્યો. રોહિત શર્મા અને એમએસ ધોની 278 મેચ સાથે આ યાદીમાં સંયુક્ત રીતે બીજા સ્થાને છે.
વિરાટ કોહલી 2008 માં પહેલી IPL સિઝનથી રોયલ ચેલેન્જર્સ બેંગ્લોર સાથે છે. લીગમાં એક જ ટીમ માટે સૌથી વધુ મેચ રમવાનો રેકોર્ડ તેમના નામે છે.
વિરાટ કોહલીએ તેની IPL કારકિર્દીમાં 9,000 થી વધુ રન બનાવ્યા છે. તે આ સીમાચિહ્ન સુધી પહોંચનાર એકમાત્ર બેટ્સમેન છે. અન્ય કોઈ ખેલાડી 8,000 રન પણ પૂરા કરી શક્યો નથી.
વિરાટ કોહલીએ તેની IPL કારકિર્દીમાં આઠ સદી અને 66 અડધી સદી ફટકારી છે. તે સદી અને અડધી સદી ફટકારવામાં પણ ટોપ પર છે. (PC: PTI)
