Breaking News : ટીમ ઈન્ડિયાની ઓપનિંગ બેટ્સમેને માત્ર 30 વર્ષની ઉંમરે લીધી નિવૃત્તિ, 4 વર્ષથી હતી ટીમની બહાર
ટીમ ઈન્ડિયાની ઓપનરે માત્ર 30 વર્ષની ઉંમરે આંતરરાષ્ટ્રીય ક્રિકેટમાંથી નિવૃત્તિની જાહેરાત કરીને સૌને ચોંકાવી દીધા છે. આંધ્રપ્રદેશની આ જમણા હાથની બેટ્સમેને 2016માં આંતરરાષ્ટ્રીય ક્રિકેટમાં ડેબ્યૂ કર્યું હતું. જોકે, છેલ્લા ચાર વર્ષથી તે ટીમ ઈન્ડિયાની બહાર હતી. આ ખેલાડી ભારતની એશિયા કપ અને કોમનવેલ્થ ગેમ્સ વિજેતા ટીમનો પણ ભાગ રહી ચૂકી છે.
ટીમ ઈન્ડિયાની ઓપનર સબ્બીનેની મેઘનાએ નિવૃત્તિની જાહેરાત કરી છે. માત્ર 30 વર્ષની ઉંમરે તેણીએ આંતરરાષ્ટ્રીય ક્રિકેટમાંથીનિવૃત્તિની જાહેરાત કરીને સૌને ચોંકાવી દીધા છે.
એસ મેઘનાએ 2016માં પોતાનું ડેબ્યૂ કર્યું હતું. 10 વર્ષમાં તેણીએ ભારત માટે ફક્ત ત્રણ ODI અને 17 T20 મેચ રમી હતી.
મેઘનાએ ODIમાં 38ની સરેરાશથી 114 રન બનાવ્યા હતા, જ્યારે T20માં તેણીએ 258 રન બનાવ્યા. તેણીએ બંને ફોર્મેટમાં એક-એક અડધી સદી ફટકારી હતી.
મેઘના WPLમાં બે ટીમો ગુજરાત જાયન્ટ્સ અને રોયલ ચેલેન્જર્સ બેંગલુરુનો ભાગ હતી. મેઘનાએ WPLમાં 23.23ની સરેરાશથી 302 રન બનાવ્યા હતા.
મેઘનાની છેલ્લા 4 વર્ષથી ટીમ ઈન્ડિયામાં પસંદ કરવામાં આવી ન હતી, તેથી તેણે નિવૃત્તિ લેવાનો નિર્ણય લીધો હતો.
જોકે, માત્ર 30 વર્ષની ઉંમરે મેઘનાનો નિવૃત્તિ લેવાનો નિર્ણય ખરેખર આશ્ચર્યજનક છે.
મેઘના 2016 અને 2022 મહિલા T20 એશિયા કપ જીતનાર ભારતીય ટીમનો ભાગ હતી. મેઘનાએ 2022 બર્મિંગહામ કોમનવેલ્થ ગેમ્સમાં સિલ્વર મેડલ જીતનાર ભારતીય ટીમમાં પણ મેઘના સામેલ હતી.
નિવૃત્તિ પછી પણ મેઘના ક્રિકેટમાં સંકળાયેલી રહેશે. નિવૃત્તિ પછી તેણીએ કહ્યું કે તે યુવાનોને માર્ગદર્શન આપવા અને ક્રિકેટ શીખવવા પર ધ્યાન કેન્દ્રિત કરશે. (PC: X/Instagram)
