Breaking News: IPL ઈતિહાસના સૌથી યુવા ખેલાડીઓની લિસ્ટ, જાણો દરેક ટીમમાં સૌથી નાની ઉંમરે કોણે ડેબ્યૂ કર્યું?
IPL 2026 28 માર્ચથી શરૂ થશે, જેમાં અનેક યુવા ખેલાડીઓ પોતાની પ્રતિભા સાબિત કરશે. IPL ના 18 વર્ષના ઈતિહાસમાં અનેક યુવા ખેલાડીઓએ ડેબ્યૂ કર્યું છે. જેમાં 14 વર્ષના વૈભવ સૂર્યવંશીએ ધમાલ મચાવી દીધી હતી. વૈભવે RR માટે ડેબ્યૂ કર્યું હતું. તેવી જ રીતે અન્ય ટીમમાં પણ અનેક યુવા ખેલાડીઓએ ડેબ્યૂ કર્યું છે, અને તેમાં કોણ હતું સૌથી નાની ઉંમરનો ખેલાડી, જાણો આ આર્ટીકલમાં.
IPLના સૌથી યુવા ખેલાડીનો ટેગ વૈભવ સૂર્યવંશીને જાય છે, જેણે 14 વર્ષ અને 23 દિવસની ઉંમરે વિશ્વની સૌથી મોટી ક્રિકેટ લીગમાં ડેબ્યૂ કર્યું હતું, તેણે રાજસ્થાન રોયલ્સ તરફથી રમતા IPL માં ડેબ્યૂ કર્યું હતું.
RCBનો સૌથી નાની ઉંમરનો ખેલાડી હતો પ્રયાસ રે બર્મન, જેણે 16 વર્ષ, 157 દિવસની ઉંમરે ડેબ્યૂ કર્યું હતું.
પંજાબ કિંગ્સનો સૌથી યુવા ખેલાડી અફઘાનિસ્તાનના મુજીબ ઉર રહેમાન હતો, જેણે 17 વર્ષ અને 11 દિવસની ઉંમરે IPLમાં ડેબ્યૂ કર્યું હતું.
દિલ્હી કેપિટલ્સનો સૌથી યુવા ખેલાડી પ્રદીપ સાંગવાન હતો, જેણે 17 વર્ષ અને 179 દિવસની ઉંમરે લીગમાં પ્રવેશ કર્યો હતો.
ચેન્નાઈ સુપર કિંગ્સનો સૌથી યુવા ખેલાડી આયુષ મ્હાત્રે હતો, તેણે 17 વર્ષ અને 278 દિવસની ઉંમરે ફ્રેન્ચાઈઝી માટે પોતાની પહેલી IPL મેચ રમી હતી.
મુંબઈ ઈન્ડિયન્સ માટે સૌથી નાની ઉંમરનો ખેલાડી ક્વેના મ્ફાકા હતો, દક્ષિણ આફ્રિકાના ખેલાડીએ 17 વર્ષ અને 278 દિવસની ઉંમરે IPLમાં ડેબ્યૂ કર્યું હતું.
KKR માટે સૌથી નાની ઉંમરનો ખેલાડી મનદીપ સિંહ હતો, તેણે 18 વર્ષ અને 94 દિવસની ઉંમરે લીગમાં પ્રવેશ કર્યો હતો.
નૂર અહેમદ ગુજરાત ટાઈટન્સનો સૌથી યુવા ખેલાડી હતો, તેણે 18 વર્ષ, 103 દિવસની ઉંમરે ફ્રેન્ચાઈઝી માટે પોતાની પહેલી IPL મેચ રમી હતી.
સનરાઈઝર્સ હૈદરાબાદનો સૌથી યુવા ખેલાડી હતો રાશિદ ખાન, તેણે 18 વર્ષ 197 દિવસની ઉંમરે IPLમાં ડેબ્યૂ કર્યું હતું.
લખનૌ સુપરજાયન્ટ્સનો સૌથી નાની ઉંમરનો ખેલાડી હતો અર્શીન કુલકર્ણી, જેણે 19 વર્ષ અને 75 દિવસની ઉંમરે ડેબ્યૂ કર્યું હતું. (PC:PTI/X)
