Breaking News: IPL પ્લેઓફમાં સૌથી વધુ રન બનાવનાર ટોપ 5 ખેલાડીઓ, જાણો કોણ છે નંબર-1
IPLમાં લીગ સ્ટેજ દરમિયાન ઘણા ખેલાડીઓ શાનદાર પ્રદર્શન કરે છે, પરંતુ પ્લેઓફમાં દબાણ વચ્ચે સતત સારું પ્રદર્શન કરવું દરેકના બસની વાત નથી. નોકઆઉટ મેચ માં જ સાચા મેચ વિનર્સ સામે આવે છે. IPL ઈતિહાસમાં કેટલાક બેટ્સમેનોએ પ્લેઓફમાં પોતાની બેટિંગથી ટીમને જીત અપાવી છે અને ખાસ ઓળખ બનાવી છે. ચાલો જાણીએ પ્લેઓફમાં સૌથી વધુ રન બનાવનાર ટોપ 5 ખેલાડીઓ કોણ છે. આ યાદીમાં CSK અને મુંબઈ ઈન્ડિયન્સના ખેલાડીઓનો દબદબો જોવા મળે છે.
IPL પ્લેઓફમાં સૌથી વધુ રન બનાવનારા બેટ્સમેનોની યાદી ક્રિકેટ ચાહકો માટે હંમેશા રસપ્રદ રહી છે. દબાણભરી મેચોમાં મોટી ઇનિંગ રમનાર ખેલાડીઓએ પોતાની ટીમને ફાઇનલ સુધી પહોંચાડવામાં મહત્વની ભૂમિકા ભજવી છે. આ યાદીમાં અનુભવ અને આક્રમકતા બંનેનું અનોખું કોમ્બિનેશન જોવા મળે છે. ચાલો જાણીએ પ્લેઓફમાં સૌથી વધુ રન બનાવનાર ટોપ 5 ખેલાડીઓ કોણ છે.
સુરેશ રૈના IPL ના પ્લેઓફ ઈતિહાસનો સૌથી સફળ બેટ્સમેન છે. તેણે 24 ઇનિંગ્સમાં સૌથી વધુ 714 રન બનાવ્યા છે અને તેનો સ્ટ્રાઇક રેટ 155થી વધુ રહ્યો છે. 2014માં પંજાબ સામે રમેલી 87 રનની વિસ્ફોટક ઇનિંગ આજે પણ ચાહકોને યાદ છે. આ ઇનિંગે ચેન્નાઈને ચેમ્પિયન બનાવ્યું હતું.
મહેન્દ્ર સિંહ ધોની આ યાદીમાં બીજા સ્થાને છે. ધોનીએ 28 પ્લેઓફ મેચોમાં 523 રન બનાવ્યા છે. તે આઠ વખત અણનમ રહ્યો છે અને અંતિમ ઓવરોમાં ટીમને અનેક યાદગાર જીત અપાવી છે.
ગુજરાત ટાઇટન્સના કેપ્ટન શુભમન ગિલે માત્ર 11 પ્લેઓફ ઇનિંગ્સમાં 475 રન ફટકાર્યા છે. તેની સરેરાશ 47થી વધુ રહી છે. હાલ તે એકમાત્ર સક્રિય ખેલાડી છે જે રૈનાનો રેકોર્ડ તોડી શકે તેવી સ્થિતિમાં છે.
મુંબઈ ઇન્ડિયન્સના સૂર્યકુમાર યાદવે 12 ઇનિંગ્સમાં 406 રન બનાવ્યા છે. 2019ના ક્વોલિફાયરમાં ચેન્નાઈ સામે રમેલી તેની અણનમ 71 રનની ઇનિંગ ટીમ માટે નિર્ણાયક સાબિત થઈ હતી. તેની આક્રમક શૈલી પ્લેઓફમાં ખાસ અસરકારક રહી છે.
રોહિત શર્મા આ યાદીમાં પાંચમા સ્થાને છે. તેણે 23 પ્લેઓફ ઇનિંગ્સમાં 405 રન બનાવ્યા છે. ખાસ કરીને 2015ની ફાઇનલમાં ચેન્નાઈ સામે રમેલી 50 રનની ઇનિંગ્સે મુંબઈ ઇન્ડિયન્સને ખિતાબ જીતાડવામાં મોટી ભૂમિકા ભજવી હતી. (PC:PTI/X)
