Breaking News: અભિષેક શર્માએ માત્ર 13 બોલમાં મચાવી તબાહી, પંજાબના બોલરોની બજાવી બેન્ડ, બન્યો નંબર 1
Sunrisers Hyderabad vs Punjab Kings: અભિષેક શર્માએ પંજાબ કિંગ્સ સામે માત્ર 13 બોલમાં 35 રન બનાવ્યા. તેણે પોતાની ઇનિંગમાં ચાર છગ્ગા અને બે ચોગ્ગા ફટકાર્યા. તેનો સ્ટ્રાઇક રેટ 270 ની નજીક હતો. આ સાથે તે નંબર 1 પણ બન્યો.
અભિષેક શર્માને ક્રીઝ પર આવતાની સાથે જ છગ્ગા અને ચોગ્ગા ફટકારવાની આદત છે. આ ખેલાડીએ પંજાબ કિંગ્સ સામેની મેચમાં પણ આવું જ કર્યું હતું. અભિષેક શર્માએ પંજાબ સામે ફક્ત 13 બોલ રમ્યા હતા અને આ 13 બોલમાં તેણે આખી વિરોધી ટીમને હચમચાવી દીધી હતી.
અભિષેક શર્માએ 13 બોલમાં 35 રનની ઈનિંગ રમી હતી. અભિષેક શર્માએ તેની ટૂંકી ઇનિંગમાં 4 છગ્ગા અને 2 ચોગ્ગા ફટકાર્યા હતા. અભિષેકની ખાસ વાત એ હતી કે આટલી ટૂંકી ઈનિંગમાં તેણે છગ્ગા-ચોગ્ગાનો વરસાદ કર્યો હતો.
અભિષેક શર્માએ તેના મિત્ર માર્કો જેન્સેનની પહેલી જ ઓવરમાં જોરદાર ધુલાઈ કરી. જેન્સેન અગાઉ હૈદરાબાદ ટીમનો ભાગ હતો, અને અભિષેક અને તેની વચ્ચે ગાઢ મિત્રતા હતી.
અભિષેક શર્મા માર્કો જેન્સેન સામે પાંચ બોલ રમ્યો અને 20 રન ફટકાર્યા. માર્કો જેન્સેનની ઓવરની બીજી બોલ પર અભિષેક શર્મા સ્ટ્રીક પર આવ્યો અને પાંચમાંથી ચાર બોલ પર બાઉન્ડ્રી ફટકારી. અભિષેકે બે છગ્ગા અને બે ચોગ્ગા ફટકાર્યા.
અભિષેક શર્માએ આ સિઝનમાં જોરદાર પ્રદર્શન કર્યું છે. તે ઓરેન્જ કેપ રેસમાં ટોપ પર છે. તેણે આ સિઝનમાં 11 મેચમાં સૌથી વધુ 475 રન બનાવ્યા છે. તેનો સ્ટ્રાઇક રેટ 210 થી વધુ છે. તેણે આ સિઝનમાં 36 છગ્ગા ફટકાર્યા છે. હવે તે સૌથી વધુ છગ્ગા મારનારાઓની યાદીમાં વૈભવ સૂર્યવંશીથી માત્ર એક છગ્ગો પાછળ છે. (PC:PTI/X)
