Breaking News : વરસાદ મુંબઈ ઈન્ડિયન્સ-રાજસ્થાન રોયલ્સ મેચની પણ મજા બગાડશે ? જાણો ગુવાહાટીમાં કેવું રહેશે હવામાન
IPL 2026માં આજે રાજસ્થાન રોયલ્સ અને મુંબઈ ઈન્ડિયન્સ વચ્ચે ગુવાહાટીમાં મહત્વપૂર્ણ મુકાબલો રમાવાનો છે. પરંતુ હવામાનને કારણે મેચ પર અનિશ્ચિતતા છવાઈ છે. વરસાદની શક્યતાને ધ્યાનમાં રાખીને બંને ટીમો માટે આ મેચ વધુ પડકારજનક બની શકે છે.
IPL 2026માં આજે ગુવાહાટીના બારસાપારા ક્રિકેટ સ્ટેડિયમ ખાતે રાજસ્થાન રોયલ્સ અને મુંબઈ ઈન્ડિયન્સ વચ્ચે મેચ રમાશે. બંને ટીમો માટે આ ત્રીજી મેચ છે. રાજસ્થાન રોયલ્સે તેની પહેલી બે મેચ જીતી છે, જ્યારે મુંબઈ ઈન્ડિયન્સ એક જીત અને એક હાર બાદ મેદાનમાં ઉતરશે.
હવામાન વિભાગ મુજબ ગુવાહાટીમાં આજે આશરે 10 ટકા વરસાદની શક્યતા છે. આકાશ વાદળછાયું રહેવાની શક્યતા હોવાથી પિચ પર પણ તેનો પ્રભાવ જોવા મળી શકે છે. આ પરિસ્થિતિમાં ટોસ જીતનાર ટીમ પહેલા બોલિંગ કરવાનું પસંદ કરી શકે છે.
ભેજ અને વાદળછાયા વાતાવરણના કારણે બેટ્સમેન માટે રમવું થોડું મુશ્કેલ બની શકે છે. બીજી તરફ, ઝડપી બોલરોને મદદ મળવાની શક્યતા છે, કારણ કે પિચ પર સીમ મૂવમેન્ટ વધુ જોવા મળી શકે છે.
IPLમાં તાજેતરમાં કોલકાતા અને પંજાબ વચ્ચેની મેચ વરસાદને કારણે રદ થઈ હતી, જેમાં માત્ર થોડા ઓવરોની જ રમત શક્ય બની હતી. આથી આજની મેચમાં પણ વરસાદની ભૂમિકા મહત્વપૂર્ણ બની શકે છે.
બંને ટીમોના હેડ-ટુ-હેડ રેકોર્ડ પર નજર કરીએ તો અત્યાર સુધી તેઓ 31 વખત આમને-સામને આવ્યા છે. તેમાં મુંબઈ ઈન્ડિયન્સે 16 મેચ જીતી છે, જ્યારે રાજસ્થાન રોયલ્સે 14 મેચ જીતી છે. એક મેચનો કોઈ પરિણામ આવ્યો નહોતો.
મુંબઈ ઈન્ડિયન્સ માટે એક મોટો પ્રશ્ન હાર્દિક પંડ્યાની ઉપલબ્ધતા છે. તે છેલ્લી મેચમાં બીમારીને કારણે રમી શક્યો નહોતો, ત્યારે સૂર્યકુમાર યાદવે ટીમનું નેતૃત્વ કર્યું હતું. હાલ તે ટીમ સાથે છે અને આજની મેચમાં રમવાની શક્યતા વધુ જણાઈ રહી છે. (PC: PTI/X)
