Breaking News: ટોસ હારતા જ રોયલ ચેલેન્જર્સ બેંગ્લોરની હાર નિશ્ચિત? ગુજરાત ટાઈટન્સને મળી મોટી ભેટ
IPL 2026 Qualifier 1: IPL 2026 ક્વોલિફાયર 1 મેચમાં રોયલ ચેલેન્જર્સ બેંગલુરુ ટોસ હારી ગયું હતું. ટોસ ગુજરાત ટાઈટન્સના પક્ષમાં ગયો અને GT એ પહેલા બોલિંગ પસંદ કરી હતી. આ ટોસ હારતા જ RCB ની મેચમાં હર પણ નિશ્ચિત થઈ ગઈ છે, એવું એક રેકોર્ડથી કહી શકાય છે. ચાલો જાણીએ શું છે આ રેકોર્ડ.
IPL 2026 ના પહેલા ક્વોલિફાયરમાં ગુજરાત ટાઈટન્સના કેપ્ટન શુભમન ગિલે ટોસ જીત્યો હતો. આ સાથે ગુજરાતે RCB માટે મોટી સમસ્યા ઉભી કરી હતી. હકીકતમાં, આ બંને ટીમો વચ્ચે એક એવો રેકોર્ડ છે જે ટોસ જીતવા પર લગભગ જીતની ખાતરી આપે છે. આ રેકોર્ડ શું છે તે જાણીએ.
ગુજરાત ટાઈટન્સે ટોસ જીતીને પહેલા બોલિંગ કરવાનો નિર્ણય લીધો, અને આ મેચમાં આ એક મહત્વપૂર્ણ ટર્નિંગ પોઈન્ટ હોય તેવું લાગે છે. હકીકતમાં, IPLમાં ગુજરાત અને RCB વચ્ચે આઠ મેચ રમાઈ છે, અને દરેક વખતે પીછો કરનારી ટીમ જીતી છે. 2022, 2023, 2024, 2025 અને 2026 માં, રનચેઝ કરનારી ટીમ જીતી છે. જો કે, ધર્મશાલામાં પહેલા બેટિંગ કરનારી ટીમ પણ જીતી શકે છે.
ધર્મશાલામાં પ્રથમ બેટિંગ કરનારી ટીમ ફક્ત ત્યારે જ જીતી શકે છે જો તેઓ 210 થી વધુ સ્કોર કરે. 2023 થી ધર્મશાલામાં 6 નાઈટ મેચ રમાઈ છે, જેમાં પ્રથમ બેટિંગ કરતી ટીમ ત્રણ વખત જીતી છે અને પીછો કરતી ટીમ ત્રણ વખત જીતી છે. જ્યારે પણ પ્રથમ બેટિંગ કરતી ટીમ 210 થી વધુ સ્કોર કરે છે, ત્યારે જ તેઓ જીતી જાય છે.
ગુજરાત ટાઈટન્સની પ્લેઈંગ ઈલેવન: સાઈ સુદર્શન, શુભમન ગિલ, જોસ બટલર, વોશિંગ્ટન સુંદર, નિશાંત સિંધુ, જેસન હોલ્ડર, રાશિદ ખાન, કુલવંત ખેજરોલિયા, કાગીસો રબાડા, મોહમ્મદ સિરાજ, પ્રસિદ્ધ કૃષ્ણા.
રોયલ ચેલેન્જર્સ બેંગ્લોર પ્લેઈંગ ઈલેવન - વેંકટેશ અય્યર, વિરાટ કોહલી, દેવદત્ત પડિકલ, રજત પાટીદાર, જીતેશ શર્મા, ટિમ ડેવિડ, ક્રુણાલ પંડ્યા, ભુવનેશ્વર કુમાર, જેકબ ડફી, જોશ હેઝલવુડ, રસિક સલામ દાર. (PC:PTI/X/IPL)
