Breaking News: 74 છગ્ગા, 64 ચોગ્ગા અને 1000 રન, માત્ર 560 બોલમાં કર્યો કમાલ, છતાં ના તૂટ્યો આ મોટો રેકોર્ડ
IPLની 19 સિઝનના ઈતિહાસમાં એવા બહુ ઓછા બેટ્સમેન રહ્યા છે જેમણે 600થી ઓછા બોલમાં 1000 રન પૂરા કર્યા હોય. હવે, આ યાદીમાં એક નવું નામ ઉમેરાયું છે. આ ખેલાડી સૌથી ઝડપી 1000 રન ફટકારવા મામલે બીજા ક્રમે છે.
જ્યારે IPLમાં સૌથી વધુ રન બનાવવા, સૌથી વધુ છગ્ગા ફટકારવા અને સૌથી વધુ ચોગ્ગા ફટકારવાની વાત આવે છે, ત્યારે ભારતીય ક્રિકેટના દિગ્ગજ બેટ્સમેન સૌથી આગળ હોય છે. પરંતુ જ્યારે સૌથી ઝડપી રન બનાવવાની વાત આવે છે, ત્યારે કેટલાક પાવરફુલ વિદેશી બેટ્સમેનોનો સમાવેશ થાય છે, અને હવે ટિમ ડેવિડ પણ આ લિસ્ટમાં જોડાઈ ગયો છે.
ઓસ્ટ્રેલિયાના વિસ્ફોટક બેટ્સમેન ટિમ ડેવિડે તેના IPL કારકિર્દીમાં 1,000 રન પૂરા કર્યા છે, તે આમ કરનાર બીજો સૌથી ઝડપી બેટ્સમેન બન્યો છે. તેણે RCB અને દિલ્હી વચ્ચેની મેચ દરમિયાન આ સિદ્ધિ મેળવી હતી.
RCB તરફથી રમતા ટિમ ડેવિડે માત્ર 560 બોલમાં 1,000 રન પૂરા કર્યા. તેણે ટ્રેવિસ હેડ (575 બોલ) અને ફિલ સોલ્ટ (575 બોલ) જેવા દિગ્ગજ બેટ્સમેનોને પાછળ છોડી દીધા.
જોકે, ટિમ ડેવિડ હજુ પણ આન્દ્રે રસેલનો રેકોર્ડ તોડી શક્યો નથી. કોલકાતા નાઈટ રાઈડર્સનો ભૂતપૂર્વ ઓલરાઉન્ડર આ સિદ્ધિ માત્ર 545 બોલમાં આ સિદ્ધિ હાંસલ કરી હતી.
ટિમ ડેવિડે 560 બોલમાં 74 છગ્ગા અને 64 ચોગ્ગા ફટકારીને આ સિદ્ધિ મેળવી હતી. તેણે 56 IPL મેચોની 50 ઇનિંગ્સમાં પોતાના 1000 રન પૂરા કર્યા હતા. (PC: PTI)
