Breaking News : ગુજરાત-પંજાબ વચ્ચેની મેચમાં થશે રનનો વરસાદ! જાણો કેવી છે મુલ્લાનપુરની ‘પિચ નંબર 4’
IPL 2026 માં પંજાબ કિંગ્સ અને ગુજરાત ટાઈટન્સ આ સિઝનની પોતાની પહેલી મેચ રમશે. આ મેચ પંજાબના હોમ ગ્રાઉન્ડ મુલ્લાનપુરમાં રમાશે. જે પિચ નંબર 4 પર મેચ રમાશે તેની મેચ પહેલા જ ખૂબ ચર્ચા થઈ રહી છે. જાણો કેવી છે મુલ્લાનપુરની 'પિચ નંબર 4'.
IPL 2024 ની ચોથી મેચ પંજાબ કિંગ્સ અને ગુજરાત ટાઈટન્સ વચ્ચે રમાશે. આ મેચ મુલ્લાનપુરની પિચ નંબર 4 પર રમાશે. આ પિચ પર રન નથી બનતા પણ રનનો વરસાદ થાય છે.
મુલ્લાનપુરની નંબર 4 પિચ પર છેલ્લી મેચ ગયા IPL સિઝનમાં પંજાબ અને ચેન્નાઈ વચ્ચે રમાઈ હતી. તે મેચમાં કુલ 420 રન બન્યા હતા, જેમાં 24 છગ્ગાનો સમાવેશ થાય છે. આ હાઈ-સ્કોરિંગ પિચ છે. આ જ કારણ છે કે પંજાબનો કોચ રિકી પોન્ટિંગ વધુ એક હાઈ-સ્કોરિંગ મેચની અપેક્ષા રાખી રહ્યો છે.
પ્રથમ બેટિંગ કરતા પંજાબ કિંગ્સે ઓપનર પ્રિયાંશ આર્યની અડધી સદીની મદદથી 20 ઓવરમાં 219 રન બનાવ્યા. પ્રિયાંશે 42 બોલમાં 103 રન બનાવ્યા, જેમાં નવ છગ્ગા સામેલ હતા. ચેન્નાઈ ફક્ત 201 રન જ બનાવી શક્યું.
મુલ્લાનપુરમાં પંજાબ કિંગ્સના કેપ્ટન શ્રેયસ અય્યરનો રેકોર્ડ સારો રહ્યો નથી. તેણે અહીં રમાયેલી પાંચ મેચમાં ફક્ત 27 રન બનાવ્યા છે. અહીં તેનો શ્રેષ્ઠ સ્કોર 10 છે.
બધાની નજર ગુજરાત ટાઈટન્સના કેપ્ટન શુભમન ગિલ પર રહેશે. ગિલે ગયા IPL સિઝનમાં 650 રન બનાવ્યા હતા. આ સિઝનમાં પણ તેની પાસેથી સારા પ્રદર્શનની અપેક્ષા છે. (PC: PTI)
