Breaking News: વૈભવ સૂર્યવંશીનો કમાલ, IPLમાં સૌથી ઝડપી 500 રન બનાવનાર ખેલાડી બન્યો, દિગ્ગજોને પાછળ છોડ્યા
IPL 2026 માં વૈભવ સૂર્યવંશીનો દબદબો ચાલુ છે. લખનૌ સુપર જાયન્ટ્સની મેચમાં પહેલા જ બોલ પર બાઉન્ડ્રી ફટકારી 15 વર્ષના બેટ્સમેને IPL માં સૌથી ઝડપી 500 રન બનવવાનો રેકોર્ડ બનાવ્યો હતો. વૈભવ સૂર્યવંશીઅનેક દિગ્ગજોને પાછળ છોડી દીધા.
વૈભવ સૂર્યવંશી મેદાનમાં ઉતરી દરેક મેચમાં એક રેકોર્ડ બનાવશે તે નિશ્ચિત છે. આ ડાબા હાથના બેટ્સમેને લખનૌ સુપરજાયન્ટ્સ સામેની મેચમાં પણ એક મોટી સિદ્ધિ હાંસલ કરી હતી.
વૈભવ સૂર્યવંશીએ લખનૌ સામે ચોગ્ગો મારીને પોતાનું ખાતું ખોલ્યું હતું, અને IPLમાં 500 રન પૂરા કર્યા હતા. સૂર્યવંશીએ ઘણા દિગ્ગજોને પાછળ છોડી દીધા છે અને માત્ર 15 વર્ષની ઉંમરે આટલો મહત્વપૂર્ણ રેકોર્ડ હાંસલ કર્યો છે.
વૈભવ સૂર્યવંશીએ IPLમાં સૌથી ઝડપી 500 રન બનાવવાનો ગ્લેન મેક્સવેલનો રેકોર્ડ તોડ્યો. ગ્લેન મેક્સવેલે 260 બોલમાં 500 રન પૂરા કર્યા, જ્યારે સૂર્યવંશીએ 227 બોલમાં આ સિદ્ધિ હાંસલ કરી.
પ્રિયાંશ આર્યએ 278 બોલમાં, જ્યારે સેહવાગે 280 બોલમાં અને નમન ધીરે 283 બોલમાં 500 રન પૂરા કર્યા હતા.
વૈભવ સૂર્યવંશીએ ભલે સૌથી ઝડપી 500 રન પૂરા કર્યા હોય, પરંતુ તે મેચમાં નિષ્ફળ ગયો. સૂર્યવંશીએ 11 બોલમાં ફક્ત 8 રન બનાવ્યા અને મોહસીન ખાને તેને આઉટ કર્યો. (PC:PTI/X)
