Breaking News: 31,000 કરોડમાં વેચાઈ RCB-રાજસ્થાન રોયલ્સ, જાણો BCCI ને કેટલા કરોડ રૂપિયા મળ્યા?
IPL 2026 પહેલા બે સૌથી જૂની ટીમો રાજસ્થાન રોયલ્સ અને રોયલ ચેલેન્જર્સ બેંગ્લોરને નવા માલિકો મળી ગયા છે. બંને ટીમોને રેકોર્ડબ્રેક ભાવે ખરીદવામાં આવી છે. પ્રશ્ન એ છે કે, આ બે ટીમોના વેચાણથી BCCI કેટલો નફો કરશે?
વિશ્વના સૌથી ધનિક ક્રિકેટ બોર્ડ BCCI પર ફરી એકવાર મોટા પાયે રૂપિયાનો વરસાદ થયો છે. IPL 2026 ની શરૂઆત પહેલા BCCI ના ખજાનામાં વધારો થયો છે. બે IPL ટીમોના વેચાણને કારણે BCCI ને 1,000 કરોડ રૂપિયાથી વધુ રકમ મળવાની તૈયારી છે.
24 માર્ચે, બે IPL ટીમો રાજસ્થાન રોયલ્સ અને રોયલ ચેલેન્જર્સ બેંગ્લોરને નવા માલિકો મળ્યા અને તેમને ઐતિહાસિક રકમમાં ખરીદવામાં આવ્યા. BCCI ને આ બે ફ્રેન્ચાઈઝીના સોદા અને વેચાણમાંથી મોટી રકમ મળી છે.
24 માર્ચ ભારતીય ક્રિકેટ અને IPL માટે ઐતિહાસિક દિવસ હતો. રાજસ્થાન રોયલ્સ અને રોયલ ચેલેન્જર્સ બેંગ્લોર સંયુક્ત રીતે ₹31,000 કરોડમાં વેચાયા. RCB ₹16,660 કરોડમાં વેચાયું અને ઈતિહાસની સૌથી મોંઘી ક્રિકેટ ટીમ બની. RR ₹15,000માં વેચાયું, જે બીજી સૌથી મોંઘી ટીમ બની.
IPLમાં જો કોઈ ટીમ માલિક બદલે છે, તો 5% ફી BCCI બોર્ડમાં જમા કરાવવી પડે છે. આ નિયમ મુજબ, RCB ₹16,660 કરોડમાં વેચાઈ છે. આ રકમના પાંચ ટકા એટલે ₹833 કરોડ BCCI ને મળ્યા છે.
રાજસ્થાન રોયલ્સ લગભગ ₹15,000 કરોડમાં વેચાઈ હતી, જેનાથી BCCI ને ₹750 કરોડ મળ્યા છે. આનો અર્થ એ થયો કે BCCI ને આ બે ટીમોના વેચાણમાંથી ₹1,583 કરોડ મળ્યા છે.
RCB ફ્રેન્ચાઇઝી આદિત્ય બિરલા ગ્રુપ, અમેરિકન સ્પોર્ટ્સ ઇન્વેસ્ટર ડેવિડ બ્લિટ્ઝર અને અમેરિકન પ્રાઇવેટ ઇક્વિટી ફર્મ બ્લેકસ્ટોન દ્વારા સંયુક્ત રીતે હસ્તગત કરવામાં આવી છે. RCBના ભૂતપૂર્વ માલિક, યુનાઇટેડ સ્પિરિટ્સે ગયા વર્ષે IPL 2025નો ખિતાબ જીત્યાના થોડા મહિના પછી જ ફ્રેન્ચાઇઝી વેચાણ માટે મૂકી હતી.
રાજસ્થાન રોયલ્સ વિશે વાત કરીએ તો, કાલ સોમાણીના ગ્રુપે ટીમને ₹15,000 કરોડમાં ખરીદી છે. આ કરાર IPL 2026 પછી અમલમાં આવશે, અને મનોજ બદલે આગામી સિઝનના અંત સુધી ટીમના માલિક રહેશે. (PC:PTI/X)
