Breaking News: IPL 2026 દરમિયાન પિતા બન્યો આ સ્ટાર ખેલાડી, ગયા વર્ષે કર્યા હતા બીજા લગ્ન
IPL 2026 વચ્ચે ગુજરાત ટાઈટન્સના સ્ટાર સ્પિનરના ઘરે પુત્રનો જન્મ થયો છે. આ સ્ટાર ખેલાડીએ સોશિયલ મીડિયા પર ફોટા શેર કરીને તેના ચાહકો સાથે ખુશખબર શેર કરી હતી. આ ખેલાડીએ ગયા વર્ષે બીજા લગ્ન કર્યા હતા.
IPL 2026 દરમિયાન ગુજરાત ટાઈટન્સના સ્ટાર સ્પિનર રાશિદ ખાને તેના ચાહકો સાથે ખુશીના સમાચાર શેર કર્યા. તે એક પુત્રનો પિતા બન્યો છે. તેણે સોશિયલ મીડિયા પર કેટલાક ફોટા શેર કર્યા છે.
રાશિદ ખાને પોતાના દીકરાનું નામ અઝલાન ખાન રાખ્યું છે. સોશિયલ મીડિયા પર ફોટા શેર કરતા તેમણે લખ્યું, "દુનિયામાં આપનું સ્વાગત છે મારા નાના રાજકુમાર."
રાશિદ ખાનના બે લગ્ન થયા છે. તેના પહેલા લગ્ન 3 ઓક્ટોબર, 2024 ના રોજ અફઘાનિસ્તાનની રાજધાની કાબુલમાં પશ્તુન રિવાજો અનુસાર થયા હતા. રાશિદની સાથે તેના ત્રણ ભાઈઓએ પણ લગ્ન કર્યા હતા.
રાશિદ ખાને 2 ઓગસ્ટ, 2025 ના રોજ પોતાના બીજા લગ્નની જાહેરાત કરી. મીડિયા રિપોર્ટ્સ અનુસાર, તેની બીજી પત્ની યુકે સ્થિત અફઘાન મહિલા છે. તેની પહેલી પત્ની હજુ પણ તેની સાથે છે કે નહીં તે સ્પષ્ટ નથી.
રાશિદ ખાને IPL 2026 માં અત્યાર સુધીમાં પાંચ મેચ રમી છે, જેમાં તેણે છ વિકેટ લીધી છે. તેણે આ સિઝનમાં એક મેચમાં ગુજરાત ટાઈટન્સની કેપ્ટનશીપ પણ કરી હતી. (PC:PTI)
