Breaking News : IPLમાં પહેલીવાર બની આ 4 ઘટનાઓ, GT vs MI મેચમાં બન્યા ખાસ રેકોર્ડ
IPL 2026માં એક જ મેચ દરમિયાન ચાર એવી ઘટનાઓ બની જે IPL ઈતિહાસમાં પહેલીવાર નોંધાઈ. તિલક વર્મા સાથે જોડાયેલી બે ખાસ સિદ્ધિઓએ મેચને વધુ યાદગાર બનાવી, જ્યારે મુંબઈ ઈન્ડિયન્સ અને ગુજરાત ટાઈટન્સ વચ્ચેનો આ મુકાબલો અન્ય બે ખાસ રેકોર્ડના કારણે ચર્ચામાં રહ્યો.
IPLની 19મી સિઝન ચાલી રહી છે. જોકે, 20 એપ્રિલ, 2026 ના રોજ ચાર ઘટનાઓ બની જે દર્શકોએ પહેલીવાર જોઈ. મહત્વની વાત એ છે કે આમાંથી બે ઘટનાઓ તિલક વર્મા સાથે સંબંધિત હતી.
ગુજરાત ટાઈટન્સ સામેની આ મેચમાં તિલક વર્માએ 45 બોલમાં અણનમ 101 રન બનાવ્યા. આ તેની T20 કારકિર્દીની પાંચમી સદી હતી, પરંતુ IPLમાં તેની પહેલી સદી હતી.
તિલક વર્માને તેની શાનદાર ઈનિંગ માટે પ્લેયર ઓફ ધ મેચ જાહેર કરવામાં આવ્યો. આ પહેલીવાર હતું જ્યારે તિલક IPLમાં પ્લેયર ઓફ ધ મેચ બન્યો હતો.
મુંબઈ ઈન્ડિયન્સે ગુજરાત ટાઈટન્સ સામે જીત માટે 200 રનનો લક્ષ્યાંક રાખ્યો હતો. જોકે, ગુજરાત ફક્ત 100 રન જ બનાવી શક્યું. આનો અર્થ એ થયો કે ગુજરાત ટાઈટન્સ તિલક વર્મા સામે એક રનથી હારી ગયું. આ સાથે, તિલક વર્મા વિરોધી ટીમને પાછળ છોડનાર પ્રથમ મુંબઈ ઈન્ડિયન્સ બેટ્સમેન બન્યો.
અમદાવાદના નરેન્દ્ર મોદી સ્ટેડિયમ ખાતે ગુજરાત ટાઈટન્સ સામે મુંબઈ ઈન્ડિયન્સે 99 રનથી જીત મેળવી, જે તેમનો અમદાવાદમાં ગુજરાત સામે પહેલો IPL વિજય હતો. (PC: PTI/X/IPL)
