Breaking News : વિરાટ કોહલીએ રચ્યો ઈતિહાસ, IPLમાં 9,000 રન પૂરા કરનાર પ્રથમ ખેલાડી બન્યો
દિલ્હી કેપિટલ્સ સામે વિરાટ કોહલીએ 15 બોલમાં અણનમ 23 રન બનાવ્યા, જેના કારણે RCB 9 વિકેટથી મેચ જીતવામાં સફળ રહ્યું. આ જીત દરમિયાન, વિરાટ કોહલીએ IPLમાં IPLમાં 9,000 રન પૂરા કરવાની સિદ્ધિ હાંસલ કરી.
IPL 2026 ની 39મી મેચમાં RCB દિલ્હીને સામે કારમી હારનો સામનો કરવો પડ્યો. બેંગ્લોરે પહેલા દિલ્હીને ફક્ત 75 રનમાં ઓલઆઉટ કર્યું અને પછી ફક્ત 39 બોલમાં મેચ જીતી લીધી. RCB માટે આ શાનદાર જીતમાં વિરાટ કોહલીએ પણ એક ઐતિહાસિક સિદ્ધિ હાંસલ કરી.
વિરાટ કોહલી IPLના ઇતિહાસમાં 9,000 રન બનાવનાર પ્રથમ ખેલાડી બન્યો. કોહલી IPLની શરૂઆતની સિઝનથી સક્રિય છે. તેણે પહેલી સિઝનમાં 165 રન બનાવ્યા હતા, અને ત્યારથી હવે IPLની 19મી સિઝનમાં તેણે 9,000 રન પૂરા કર્યા છે.
વિરાટ કોહલી IPLમાં સૌથી ઝડપી 4,000, 6,000, 7,000, 8,000 અને 9,000 રન બનાવનાર ખેલાડી છે. સુરેશ રૈના સૌથી ઝડપી 5,000 રન બનાવનાર ખેલાડી હતો.
વિરાટ 19 સિઝનથી IPLમાં રમી રહ્યો છે જેમાં તેણે કુલ 6,735 બોલ રમ્યા છે. કોહલીએ 14 ટીમો સામે આઠ સદી અને 66 અડધી સદી ફટકારી છે. તેણે 305 છગ્ગા અને 808 ચોગ્ગા ફટકાર્યા છે.
IPL 2026માં વિરાટ કોહલીએ આઠ મેચમાં 58.5 ની સરેરાશથી 351 રન બનાવ્યા છે. તેનો સ્ટ્રાઇક રેટ 160 થી વધુ છે અને તેણે ત્રણ અડધી સદી ફટકારી છે. વિરાટ IPL 2026 માં RCB માટે સૌથી વધુ રન બનાવનાર ખેલાડી છે. (PC-PTI)
