Breaking News: ઋતુરાજ ગાયકવાડે સૌથી ધીમી અડધી સદી ફટકારી, CSKને 50 સુધી પહોંચતા લાગી 12 ઓવર
ચેન્નાઈ સુપર કિંગ્સના કેપ્ટન ઋતુરાજ ગાયકવાડે આખરે મોટી ઈનિંગ રમવામાં સફળતા મેળવી. તેણે ગુજરાત ટાઈટન્સ સામે લડાયક અડધી સદી ફટકારી, પરંતુ તેની ઈનિંગ ખૂબ જ ધીમી હતી. સાથે જ CSKને 50 રનનો આંકડો પાર કરવા માટે 72 બોલ લાગ્યા હતા.
IPL 2026 ચેન્નાઈ સુપર કિંગ્સના કેપ્ટન ઋતુરાજ ગાયકવાડ માટે ખાસ રહ્યું નથી. જોકે, તે ગુજરાત ટાઈટન્સ સામે મોટી ઈનિંગ રમવામાં સફળ રહ્યો હતો. જોકે, તેની ઇનિંગ ઘણી ધીમી હતી. ગુજરાત સામે CSKની શરૂઆત ખરાબ રહી, પરંતુ કેપ્ટન ગાયકવાડે એક છેડો પકડી રાખ્યો અને ટીમને સન્માનજનક સ્કોર સુધી પહોંચવામાં મુખ્ય ભૂમિકા ભજવી હતી.
ટાઈટન્સ સામે ગાયકવાડે સાવધાનીપૂર્વક બેટિંગ કરી, કારણ કે ટીમે ફક્ત 37 રનમાં ચાર વિકેટ ગુમાવી દીધી હતી. તેણે 49 બોલમાં પોતાની અડધી સદી પૂરી કરી, જે સિઝનની તેની પહેલી અડધી સદી હતી. જોકે, આ ઇનિંગ ખૂબ ધીમી હતી. તેની પાછલી સાત ઇનિંગમાં ગાયકવાડે 30 રનનો આંકડો પણ પાર કર્યો ન હતો, જેના કારણે તેની ઇનિંગ વધુ મહત્વપૂર્ણ બની ગઈ.
ગુજરાત ટાઇટન્સની બોલિંગ સામે CSKના બાકીના બેટ્સમેન ટકી શક્યા નહીં, પરંતુ કેપ્ટનની જવાબદાર ઇનિંગે ટીમને બચાવી લીધી. આ મેચમાં ગાયકવાડ કુલ 60 બોલ રમ્યો અને અણનમ 74 રન બનાવ્યા, જેમાં છ ચોગ્ગા અને ચાર છગ્ગાનો સમાવેશ થાય છે.
પરંતુ ગાયકવાડની ઈનિંગ તેની ધીમી ગતિને કારણે રેકોર્ડ બુકમાં સ્થાન મેળવી ચૂકી છે. તેણે સિઝનની સૌથી ધીમી અડધી સદી ફટકારી હતી. અગાઉ, આ રેકોર્ડ રિષભ પંતના નામે હતો, જેણે હૈદરાબાદ સામે 43 બોલમાં પોતાની અડધી સદી પૂરી કરી હતી. ગાયકવાડ 50 રન બનાવવા 49 બોલ રમ્યો હતો અને આ રેકોર્ડ બનાવ્યો હતો.
આ મેચમાં ચેન્નાઈ સુપર કિંગ્સની બેટિંગ ખરાબ રહી હતી. CSKને 50 રનનો આંકડો પાર કરવા માટે 72 બોલ લાગ્યા હતા, એટલે કે CSKએ 12 ઓવરમાં 50 રન પૂરા કર્યા હતા. આ IPLમાં CSKની બીજી સૌથી ધીમી અડધી સદી છે. આ પહેલા, CSKએ 2011માં RCB સામે 12.1 ઓવરમાં 50 રન પૂરા કર્યા હતા. (PC:X/CSK/IPL)
