Breaking News: IPL ઈતિહાસના સૌથી મોટા રન ચેઝ, જાણો ટોપ-5 માં કઈ ટીમનો છે દબદબો
IPLમાં હંમેશા જબરદસ્ત બેટિંગ અને રોમાંચક મુકાબલાઓ જોવા મળે છે. ખાસ કરીને મોટા ટાર્ગેટનો સફળ પીછો કરવો ટીમોની ક્ષમતા અને દબાણમાં રમવાની કળા દર્શાવે છે. તાજેતરમાં પંજાબ કિંગ્સે રનચેઝમાં એક નવો ઈતિહાસ રચ્યો હતો. ચાલો IPLના પાંચ સૌથી મોટા રન ચેઝ પર એક નજર કરીએ.
પંજાબ કિંગ્સે 25 એપ્રિલે દિલ્હી કેપિટલ્સ સામે 265 રનનો વિશાળ લક્ષ્યાંક હાંસલ કરીને IPL ઇતિહાસમાં સૌથી મોટો રન ચેઝ નોંધાવ્યો. દિલ્હીના અરુણ જેટલી સ્ટેડિયમમાં રમાયેલા આ મુકાબલામાં પંજાબની બેટિંગ લાઈનઅપે અસાધારણ પ્રદર્શન કર્યું અને રેકોર્ડબુકમાં પોતાનું નામ લખાવ્યું.
બીજા ક્રમે પણ પંજાબ કિંગ્સનું જ નામ આવે છે. 2024 સિઝનમાં કોલકાતા નાઈટ રાઈડર્સ સામે 262 રનનો પીછો કરીને ટીમે ઐતિહાસિક જીત મેળવી હતી. આ મેચમાં બેટ્સમેનોએ આક્રમક રમત બતાવી અને મોટા સ્કોરને સરળ બનાવી દીધો હતો.
ત્રીજા નંબર પર સનરાઇઝર્સ હૈદરાબાદ છે, જેમણે 2025માં પંજાબ કિંગ્સ સામે 246 રન ચેઝ કર્યા હતા. આ મુકાબલો હાઈ સ્કોરિંગ રહ્યો હતો અને અંત સુધી મેચ રોમાંચક બનેલી મેચમાં હૈદરાબાદે લક્ષ્ય પ્રાપ્ત કર્યું હતું.
ચોથા સ્થાન પર પણ સનરાઇઝર્સ હૈદરાબાદ જ છે. SRH એ રાજસ્થાન રોયલ્સ સામે 229 રન ચેઝ કર્યા હતા. જયપુરમાં રમાયેલી આ મેચમાં હૈદરાબાદના બેટ્સમેનોએ દબાણમાં શાનદાર રમત દર્શાવી અને જીત મેળવી.
પાંચમા ક્રમે રોયલ ચેલેન્જર્સ બેંગલુરુનું નામ આવે છે, જેમણે 2025માં લખનૌ સુપર જાયન્ટ્સ સામે 228 રનનો પીછો કર્યો હતો. આ મેચમાં RCBની ટીમે સંયમ અને આક્રમણનો સરસ સંતુલન સાધીને મહત્વપૂર્ણ જીત નોંધાવી હતી. (PC:PTI/X)
