IND vs NZ : ન્યૂઝીલેન્ડ પહોંચતા જ 15 વર્ષના વૈભવ સૂર્યવંશીને મળી ચેતવણી
ટીમ ઈન્ડિયા ન્યૂઝીલેન્ડ પહોંચી ચૂકી છે અને 22 ઓક્ટોબરથી પાંચ મેચની T20 સિરીઝ શરૂ થશે. આ સિરીઝમાં સૌની નજર 15 વર્ષના વૈભવ સૂર્યવંશી પર રહેશે. જોકે, મેચ પહેલાં જ ન્યૂઝીલેન્ડના ફાસ્ટ બોલર જેકબ ડફીએ તેને લઈને ચેતવણી આપી છે. ડફીએ કહ્યું કે કિવી ટીમે વૈભવ સામે ખાસ રણનીતિ તૈયાર કરી છે અને અહીંની પરિસ્થિતિ તેની કસોટી કરશે.
ટીમ ઈન્ડિયા ન્યૂઝીલેન્ડ પહોંચી ચૂકી છે અને 22 ઓક્ટોબરથી પાંચ મેચની T20 સિરીઝ શરૂ થશે. આ સિરીઝમાં સૌની નજર વૈભવ સૂર્યવંશી પર રહેશે.
ન્યૂઝીલેન્ડના ફાસ્ટ બોલર જેકબ ડફીએ વૈભવની પ્રતિભાના વખાણ કર્યા છે, પરંતુ સાથે જ કહ્યું કે કિવી ટીમે આ યુવા બેટ્સમેન સામે ખાસ પ્લાન તૈયાર કર્યો છે.
ડફીના મતે વૈભવની સૌથી મોટી તાકાત તેની આક્રમક બેટિંગ છે. IPLમાં તેના પ્રદર્શનને જોતા ન્યૂઝીલેન્ડના બોલરો તેને હળવાશથી લેવાના નથી.
જોકે, ન્યૂઝીલેન્ડની પરિસ્થિતિ ભારત કરતાં અલગ છે. સીમ અને ઉછાળાવાળી પિચો પર 15 વર્ષના વૈભવ માટે આ એક નવી કસોટી બની શકે છે.
ડફીએ સંકેત આપ્યો છે કે કિવી બોલરો વૈભવ સામે શોર્ટ-બોલ સહિત અલગ પ્રકારની રણનીતિ અપનાવી શકે છે. ભારતીય બેટ્સમેનને શરૂઆતથી જ સાવચેત રહેવું પડશે.
ભારત અને ન્યૂઝીલેન્ડ વચ્ચેની પ્રથમ T20 મેચ 22 ઓક્ટોબરે ક્રાઇસ્ટચર્ચના હેગલી ઓવલ ખાતે રમાશે. આ પાંચ મેચની સિરીઝનો પ્રથમ મુકાબલો હશે.
ન્યૂઝીલેન્ડની ટીમમાં જેકબ ડફી ઉપરાંત લોકી ફર્ગ્યુસન, મેટ હેનરી અને કાઇલ જેમીસન જેવા ઝડપી બોલરો પણ છે. આ કારણે ભારતીય બેટિંગ સામે પેસ આક્રમણ મોટો પડકાર રહેશે.
હવે જોવાનું એ રહેશે કે વૈભવ ન્યૂઝીલેન્ડની અલગ પરિસ્થિતિમાં પોતાની આક્રમક બેટિંગથી ફરી અસર છોડી શકે છે કે પછી કિવી બોલરોની રણનીતિ તેના માટે મુશ્કેલી ઊભી કરશે. (PC:PTI/X)
Published On - 9:29 pm, Tue, 20 October 26
