Breaking News: ઈંગ્લેન્ડે ટીમ ઈન્ડિયાનો કર્યો વ્હાઈટવોશ, T20 શ્રેણીમાં 5-0 થી કારમી હાર
ઈંગ્લેન્ડ સામેની પાંચ મેચની T20 શ્રેણીમાં ટીમ ઈન્ડિયાને 5-0થી કારમી હારનો સામનો કરવો પડ્યો છે. છેલ્લી મેચમાં પણ ભારતીય ટીમ બોલિંગ અને ફિલ્ડીંગમાં સંપૂર્ણપણે નિષ્ફળ રહી હતી. બેટ્સમેનનોએ જીત મેળવવા પ્રયાસ કર્યો, પરંતુ અંતે ટીમની હાર થઈ. આ હાર સાથે શ્રેયસ અય્યરની કેપ્ટનશીપ અને ટીમના પ્રદર્શન પર ગંભીર સવાલો ઉભા થયા છે, જ્યારે ઈંગ્લેન્ડે ટીમ ઈન્ડિયાનો વ્હાઈટવોશ કરી સંપૂર્ણ દબદબો જમાવ્યો છે.
ભારત અને ઈંગ્લેન્ડ વચ્ચે રમાયેલી પાંચ મેચની T20 શ્રેણીનો અંત ટીમ ઈન્ડિયા માટે અત્યંત નિરાશાજનક રહ્યો છે. ઈંગ્લેન્ડે અંતિમ મેચ જીતીને શ્રેણીમાં 5-0થી ક્લીન સ્વીપ પૂર્ણ કર્યો.
શ્રેણીની તમામ પાંચ મેચમાં ભારતીય ટીમ કોઈપણ વિભાગમાં ઈંગ્લેન્ડને પડકાર આપી શકી નહીં. બેટિંગ સતત નિષ્ફળ રહી, જ્યારે બોલિંગ પણ વિરોધી બેટ્સમેનોને રોકવામાં સફળ રહી નહોતી.
છેલ્લી મેચમાં પણ ઈંગ્લેન્ડે શરૂઆતથી જ દબાણ બનાવ્યું અને ભારતને વાપસી કરવાની કોઈ તક આપી નહીં. ભારતીય ખેલાડીઓ મહત્વની ક્ષણોમાં સતત નિષ્ફળ રહ્યા, જેના કારણે મેચ એકતરફી બની ગઈ.
આ હાર બાદ ટીમ પસંદગી, કેપ્ટનશીપ અને ખેલાડીઓના ફોર્મને લઈને ચર્ચા વધુ તેજ બનવાની શક્યતા છે. ખાસ કરીને શ્રેયસ અય્યરના નેતૃત્વ અને યુવા ખેલાડીઓના પ્રદર્શન પર હવે પ્રશ્નો ઉઠી રહ્યા છે.
હવે ટીમ ઈન્ડિયાનું ધ્યાન ઈંગ્લેન્ડ સામેની આગામી ODI શ્રેણી પર રહેશે. T20 શ્રેણીમાં મળેલી શરમજનક હાર બાદ ભારતીય ટીમ માટે વનડે શ્રેણીમાં મજબૂત વાપસી કરવી પ્રતિષ્ઠાનો પ્રશ્ન બની ગયો છે. (PC:X/BCCI)
