Breaking News: ટીમ ઈન્ડિયાએ સૌથી મોટી જીત મેળવી, છતાં બચી ગયો વેસ્ટ ઈન્ડિઝ-પાકિસ્તાનનો આ રેકોર્ડ
ટીમ ઈન્ડિયાએ અફઘાનિસ્તાન સામે એક ઈનિંગ અને 300 રનથી મોટો વિજય મેળવ્યો. આ ભારતીય ટીમની ટેસ્ટ ક્રિકેટમાં સૌથી મોટી જીત છે. આમ છતાં વેસ્ટ ઈન્ડિઝ-પાકિસ્તાનનો રેકોર્ડ તૂટી શક્યો નહીં. ચાલો જાણીએ આ કયો રેકોર્ડ જે તૂટવાથી રહી ગયો.
ટીમ ઈન્ડિયાએ અફઘાનિસ્તાનને ફક્ત ત્રણ દિવસમાં હરાવી એકમાત્ર ટેસ્ટ મેચ જીતી. ભારતીય ટીમે આ મેચ એક ઈનિંગ અને 300 રનના મોટા માર્જિનથી જીતી લીધી.
શુભમન ગિલના નેતૃત્વમાં ટીમ ઈન્ડિયાએ પ્રથમ ઈનિંગમાં અફઘાનિસ્તાનને 152 રનમાં ઓલઆઉટ કર્યું અને પછી ફોલોઓન લાગુ કરીને બીજી ઈનિંગ 112 રન પર સમાપ્ત કરીને આસાનીથી સૌથી મોટી જીત મેળવી.
આ જીત ટેસ્ટ ક્રિકેટમાં ભારતની સૌથી મોટી જીતનો રેકોર્ડ છે. ભારતે અગાઉ 2018 માં વેસ્ટ ઈન્ડિઝ સામે એક ઈનિંગ અને 272 રનથી આ રેકોર્ડ હાંસલ કર્યો હતો.
ટીમ ઈન્ડિયાની આ રેકોર્ડબ્રેક જીત છતાં આ ભારતની ધરતી પર કે કોઈપણ એશિયન ટીમ દ્વારા સૌથી મોટી જીતનો રેકોર્ડ નથી. આ સંદર્ભમાં, પાકિસ્તાન અને વેસ્ટ ઈન્ડિઝનો રેકોર્ડ તૂટવાથી બચી ગયો.
ભારતમાં સૌથી મોટી ટેસ્ટ જીતનો રેકોર્ડ વેસ્ટ ઈન્ડિઝના નામે છે, વેસ્ટ ઈન્ડિઝે કોલકાતામાં ભારતને એક ઈનિંગ અને 336 રનથી હરાવ્યું હતું. એશિયન ટીમોમાં, પાકિસ્તાનના નામે 2002માં ન્યુઝીલેન્ડ સામે એક ઈનિંગ અને 324 રનથી સૌથી મોટી ટેસ્ટ જીતનો રેકોર્ડ છે. (PC: PTI/Getty Images)
