Breaking News: હાર્દિક પંડ્યા રાજસ્થાન રોયલ્સ નહીં પણ આ ચેમ્પિયન ટીમ તરફથી IPL 2027 માં રમશે? ડીલ લગભગ ડન!
હાર્દિક પંડ્યાનું IPL 2026 ખૂબ જ ખરાબ રહ્યું હતું, અને હવે તે મુંબઈ ઈન્ડિયન્સ છોડીને બીજી ટીમમાં જોડાવવાની તૈયારીમાં છે. હાર્દિક પંડ્યા રાજસ્થાન રોયલ્સમાં જશે તેવી ચર્ચા શરુ થઇ હતી, જોકે હવે અન્ય એક ચેમ્પિયન ટીમ સાથે હાર્દિક જોડાશે તેવા સમાચાર સામે આવ્યા છે. ચાલો જાણીએ કઈ છે આ ટીમ.
હાર્દિક પંડ્યાનું મુંબઈ ઈન્ડિયન્સ છોડવાનું લગભગ નક્કી છે. અહેવાલો સૂચવે છે કે મુંબઈ ઈન્ડિયન્સને હાર્દિક પંડ્યાને ટ્રેડ કરવા માટે બે ઓફર મળી છે. પહેલી રાજસ્થાન રોયલ્સ તરફથી છે, જ્યારે બીજી કોલકાતા નાઈટ રાઈડર્સ તરફથી છે.
IPL સૂત્રોના જણાવ્યા અનુસાર, KKRના ટોચના મેનેજમેન્ટ અને મુંબઈ ઈન્ડિયન્સના માલિકોએ ખેલાડીઓની અદલાબદલી અંગે ઘણી ચર્ચાઓ કરી છે. એવું જાણવા મળ્યું છે કે તેમની વચ્ચે ટૂંક સમયમાં એક સોદો થઈ શકે છે.
કોલકાતા નાઈટ રાઈડર્સ નવા કેપ્ટનની શોધમાં છે. આગામી સિઝનમાં અજિંક્ય રહાણે પાસેથી કેપ્ટનશીપ છીનવાઈ જશે તે લગભગ નક્કી જ છે. તેથી, KKR નવા કેપ્ટનની શોધમાં છે, અને નવો સુકાની ટીમનો વાઈસ કેપ્ટન રિંકુ સિંહ હાલ તો ના જ હોઈ શકે. પરિણામે, KKR ટૂંક સમયમાં હાર્દિક પંડ્યા માટે ડીલ કરી શકે છે.
રાજસ્થાન રોયલ્સ પણ હાર્દિક પંડ્યાને તેમની ટીમમાં ઉમેરવામાં રસ ધરાવે છે. જોકે, તેમણે પહેલાથી જ રિયાન પરાગને કેપ્ટન તરીકે નિયુક્ત કરી દીધો છે, અને આ ટીમ હાર્દિક માટે કદાચ યોગ્ય ન પણ હોય.
હાર્દિક પંડ્યાની કેપ્ટનશીપમાં ગુજરાત ટાઈટન્સે પોતાની પહેલી જ સિઝનમાં IPL ટ્રોફી જીત હતી. તેણે GT ને સતત બે વાર ફાઈનલમાં પહોંચાડી હતી. જોકે, ત્યારબાદ તે મુંબઈ ઈન્ડિયન્સમાં ગયો, જ્યાં તેની કેપ્ટનશીપમાં MI ની સતત ત્રણ સિઝન ખૂબ જ ખરાબ રહી. (PC-PTI/AI)
