Breaking News: એશિયા કપ બાદ ICCએ પાકિસ્તાની ટીમને ફટકારી સજા, ભારતીય ખેલાડીને પણ ઝટકો
મહિલા એશિયા કપ 2026 પૂર્ણ થયા બાદ ICCએ આચાર સંહિતા ભંગ બદલ મોટી કાર્યવાહી કરી છે. ભારતની ફાસ્ટ બોલરને મેચ ફીના 10 ટકા દંડ સાથે એક ડિમેરિટ પોઈન્ટ મળ્યો છે. બીજી તરફ, પાકિસ્તાનની આખી ટીમને મેચ ફીના 5 ટકા દંડ ફટકારવામાં આવ્યો છે.
મહિલા એશિયા કપ 2026 પૂર્ણ થયા બાદ ICCએ આચાર સંહિતા ભંગ બદલ કાર્યવાહી કરી છે. ભારતની ક્રાંતિ ગૌડ અને પાકિસ્તાનની ટીમને અલગ-અલગ મામલામાં સજા મળી છે.
ક્રાંતિ ગૌડને મેચ ફીના 10 ટકા દંડ સાથે એક ડિમેરિટ પોઈન્ટ આપવામાં આવ્યો છે. શ્રીલંકા સામેની ફાઇનલમાં બનેલી ઘટનાને પગલે આ કાર્યવાહી કરવામાં આવી છે.
મહિલા એશિયા કપ બાદ ICCએ આ કાર્યવાહી કરી છે. ફાઇનલની પહેલી જ ઓવરમાં ક્રાંતિએ ઇમેશા દુલાનીને બોલ્ડ કરી હતી અને ત્યારબાદ બેટ્સમેનને પેવેલિયન તરફ જવાનો આક્રમક સંકેત કર્યો હતો.
ICCએ આ વર્તનને આચાર સંહિતાની કલમ 2.5 હેઠળ લેવલ-1નું ઉલ્લંઘન ગણાવ્યું છે. આ નિયમ બેટ્સમેનને ઉશ્કેરતા અથવા અપમાનજનક હાવભાવ સામે કાર્યવાહી સાથે જોડાયેલો છે.
ક્રાંતિએ પોતાની ભૂલ સ્વીકારીને સજા પણ સ્વીકારી હતી. તેથી આ મામલે અલગથી સુનાવણી કરવાની જરૂર પડી નહોતી.
પાકિસ્તાનની ટીમને પણ મહિલા એશિયા કપ બાદ ICCની કાર્યવાહીનો સામનો કરવો પડ્યો છે. શ્રીલંકા સામેની સેમિફાઇનલમાં ટીમે નિર્ધારિત સમય કરતાં એક ઓવર ઓછી કરી હતી.
સ્લો ઓવર-રેટ માટે પાકિસ્તાનના તમામ ખેલાડીઓને તેમની મેચ ફીના 5 ટકા દંડ ફટકારવામાં આવ્યો છે. મેચ રેફરી જી.એસ. લક્ષ્મીએ સમય મર્યાદાની સમીક્ષા બાદ આ નિર્ણય લીધો હતો.
ICCની આચાર સંહિતા હેઠળ ઓવર-રેટ સંબંધિત નિયમોનું ઉલ્લંઘન કરવા બદલ ખેલાડીઓને દરેક ઓવર માટે મેચ ફીના 5 ટકા દંડ થાય છે.
મહિલા એશિયા કપ 2026 પૂર્ણ થયા બાદ ભારત અને પાકિસ્તાન બંને ટીમો પર થયેલી આ કાર્યવાહી ચર્ચામાં છે. (PC:PTI/X)
