Breaking News : IPLના 19 વર્ષના ઈતિહાસમાં આ ટીમે ક્યારેય કોઈ પાકિસ્તાની ખેલાડીને ટીમમાં સામેલ કર્યો નથી ?
ભારત અને પાકિસ્તાન વચ્ચે તણાવની અસર ક્રિકેટ જગતમાં પણ જોવા મળે છે. ખાસ કરીને IPLમાં પાકિસ્તાની ખેલાડીઓની ગેરહાજરી લાંબા સમયથી ચર્ચાનો વિષય રહી છે. હાલમાં ઈંગ્લેન્ડમાં યોજાનાર ધ હન્ડ્રેડ લીગના ઓક્શનમાં SRH દ્વારા પાકિસ્તાની ખેલાડીને ખરીદવામાં આવ્યા બાદ ભારે વિવાદ સર્જાયો હતો. જો કે 19 વર્ષની IPL સફરમાં એક એવી ફ્રેન્ચાઇઝી છે, જેણે શરૂઆતથી જ કોઈપણ પાકિસ્તાની ખેલાડીને તક આપી નથી. જાણો આ ટીમ કઈ છે.
IPL 2008માં શરૂ થઈ ત્યારથી અત્યાર સુધીમાં અનેક ફેરફારો અને નવા રેકોર્ડ્સ જોવા મળ્યા છે. દુનિયાભરના પ્રતિભાશાળી ક્રિકેટરો આ લીગમાં ભાગ લે છે. પહેલી સિઝનમાં પાકિસ્તાની ખેલાડીઓ પણ આ લીગનો ભાગ રહ્યા હતા, પરંતુ બાદમાં પરિસ્થિતિઓ બદલાઈ ગઈ અને તેઓ IPLથી બેન થયા.
પહેલી સિઝનમાં દિલ્હી ડેરડેવિલ્સ, રાજસ્થાન રોયલ્સ અને કોલકાતા નાઈટ રાઈડર્સ જેવી ટીમોમાં પાકિસ્તાની ખેલાડીઓનો સમાવેશ થયો હતો. IPLની પ્રથમ સિઝનમાં પર્પલ કેપ જીતનાર ખેલાડી પણ પાકિસ્તાનનો હતો.
આ બધાની વચ્ચે, એક ટીમ એવી રહી છે જેણે શરૂઆતથી જ પાકિસ્તાની ખેલાડીઓથી દૂર રહેવાનો નિર્ણય લીધો. આ ટીમ છે મુંબઈ ઈન્ડિયન્સ. પાંચ વખતની ચેમ્પિયન રહી ચૂકેલી આ ફ્રેન્ચાઇઝીએ ક્યારેય પોતાના સ્ક્વોડમાં પાકિસ્તાની ખેલાડીનો સમાવેશ કર્યો નથી.
મુંબઈ ઈન્ડિયન્સ IPLની સૌથી સફળ ટીમોમાંથી એક છે અને તેમણે પોતાની મજબૂત ટીમ કમ્બિનેશન અને સ્ટ્રેટેજી દ્વારા પાંચ વખત ખિતાબ જીત્યો છે. ખાસ વાત એ છે કે, તેમણે ક્યારેય પાકિસ્તાની ખેલાડીઓને ટીમમાં સ્થાન આપ્યું નથી, જે તેને અન્ય ટીમોથી અલગ બનાવે છે.
મુંબઈ ઈન્ડિયન્સની માલિકીની ટીમો વિશ્વભરની વિવિધ T20 લીગોમાં પણ ભાગ લે છે. SA20, ILT20 અને અન્ય લીગોમાં પણ આ ફ્રેન્ચાઇઝી સક્રિય છે. આ તમામ ટીમોમાં પણ પાકિસ્તાની ખેલાડીઓનો સમાવેશ કરવામાં આવ્યો નથી.
જો કે, UAEમાં યોજાતી ILT20 લીગ માટે એક વખત મુંબઈએ પાકિસ્તાનના ઉસ્માન ખાનને ટીમમાં સામેલ કર્યો હતો. આ એકમાત્ર અપવાદ માનવામાં આવે છે. તે સિવાય, મુંબઈ ઈન્ડિયન્સે IPL સહિત અન્ય મોટા મંચ પર પાકિસ્તાની ખેલાડીઓથી અંતર જાળવી રાખ્યું છે. (PC:PTI/X)
