6 ફૂટ 4 ઈંચ ઉંચા બોલરે રોહિત શર્માની વિકેટ લીધા બાદ ન કરી ઉજવણી, જાણો કેમ ?
લગભગ 10 વર્ષ બાદ રણજી ટ્રોફીમાં રોહિત શર્માની વાપસી સારી રહી ન હતી અને તેને માત્ર 3 રનના સ્કોર પર જમ્મુ અને કાશ્મીરના 6 ફૂટ 4 ઈંચ ઉંચા ફાસ્ટ બોલર ઓમર નઝીરે પેવેલિયન પરત મોકલી દીધો હતો. ત્યારથી, ઉમરની ખૂબ જ ચર્ચા થઈ રહી છે. પરંતુ રોહિત શર્માની વિકેટ લીધા તેણે સેલિબ્રેશન ન કર્યું, અને આ વાત વધુ હેડલાઈન્સ બનાવી રહી છે.
લાંબી રાહ અને ઉત્સુકતા બાદ આખરે ટીમ ઈન્ડિયાનો કેપ્ટન રોહિત શર્મા ઘરેલુ ક્રિકેટમાં પરત ફર્યો છે. ખરાબ ફોર્મ સામે ઝઝૂમી રહેલો રોહિત પોતાની હોમ ટીમ મુંબઈ વતી મેદાનમાં ઉતર્યો પરંતુ તેની વાપસી ન્યુઝીલેન્ડ અને ઓસ્ટ્રેલિયા સામેની ટેસ્ટ શ્રેણી જેવી જ હતી. રોહિત માત્ર 3 રન બનાવીને આઉટ થયો હતો.
રોહિતની નિષ્ફળતાની જેટલી ચર્ચા થઈ રહી છે, તેથી વધુ રોહિતને પેવેલિયન મોકલનાર 6 ફૂટ 4 ઈંચ ઉંચા બોલર ઉમર નઝીર પણ એટલી જ હેડલાઈન્સ બનાવી રહ્યો છે. ખાસ કરીને તેનું સેલિબ્રેશન ન કરવું દરેક માટે આશ્ચર્યજનક હતું અને હવે આ બોલરે તેનું કારણ પણ આપ્યું છે.
લગભગ 10 વર્ષ બાદ આ ટૂર્નામેન્ટમાં પરત ફરેલા રોહિતે યશસ્વી જયસ્વાલ સાથે ઓપનિંગ કરી હતી. પરંતુ ટીમ ઈન્ડિયા માટે ઓપનિંગ કરનાર આ જોડી મુંબઈ માટે પણ નિષ્ફળ રહી હતી. જયસ્વાલના આઉટ થયાના થોડા સમય બાદ રોહિત પણ આઉટ થઈ પોવેલિયન પરત ફર્યો હતો.
રોહિત બરાબર એ જ રીતે આઉટ થયો હતો જે રીતે તેને ગયા ડિસેમ્બરમાં ઓસ્ટ્રેલિયાના દિગ્ગજ ઝડપી બોલર પેટ કમિન્સે આઉટ કર્યો હતો. ફરક એ હતો કે આ વખતે બોલર કમિન્સ જેવો અનુભવી અને વિશ્વ ક્રિકેટનો દિગ્ગજ બોલર નહોતો, પરંતુ જમ્મુ-કાશ્મીરનો અજાણ્યો ચહેરો ઓમર નઝીર હતો.
લગભગ 6 ફૂટ 4 ઈંચ ઉંચા આ બોલરે રોહિતને ઘણો પરેશાન કર્યો અને પછી તેને આઉટ પણ કર્યો. પરંતુ બધાને આશ્ચર્ય થયું કે રોહિત જેવા દિગ્ગજ બેટ્સમેનની વિકેટ લીધા પછી પણ ઉમર કે તેના સાથી ખેલાડીઓએ કોઈ રીતે ઉજવણી કરી ન હતી.
દિવસની રમત પૂરી થયા બાદ આ બોલરે દિલ જીતી લેનારું કારણ આપ્યું. ઉમરે કહ્યું, "મેં રોહિત શર્માની વિકેટ લીધા પછી તેની ઉજવણી નથી કરી કારણ કે હું તેનો મોટો ફેન છું. તેની વિકેટ લેવી મારા માટે ખૂબ જ ખાસ છે. હું પ્રથમ વખત તેની સામે બોલિંગ કરી રહ્યો હતો." (All Photo Credit : X / PTI)