Asia Cup 2025 : શુભમનને એશિયા કપ પહેલા આ ખાસ જગ્યાએ બોલાવવામાં આવ્યો, સિરાજની પણ થશે એન્ટ્રી
ટીમ ઈન્ડિયાના ટેસ્ટ કેપ્ટન અને T20 વાઈસ કેપ્ટન શુભમન ગિલને BCCI દ્વારા બેંગલુરુના સેન્ટર ઓફ એક્સેલન્સમાં જવા માટે કહેવામાં આવ્યું છે. મોહમ્મદ સિરાજને પણ આ જ સૂચના આપવામાં આવી છે.
ટીમ ઈન્ડિયાના ટેસ્ટ કેપ્ટન શુભમન ગિલ ટૂંક સમયમાં એશિયા કપ માટે દુબઈ જવા રવાના થવાના છે પરંતુ તે પહેલાં BCCIએ તેને બેંગ્લોરના સેન્ટર ઓફ એક્સેલન્સ જવાનું કહ્યું છે. તેના સિવાય મોહમ્મદ સિરાજને પણ બોલાવવામાં આવ્યો છે.
તાજેતરમાં ગિલ બીમાર હતો અને તેના લોહીની પણ તપાસ કરવામાં આવી હતી. અહેવાલો અનુસાર, ગિલ સંપૂર્ણપણે સ્વસ્થ છે. તે હાલમાં મોહાલીમાં છે અને ટૂંક સમયમાં બેંગ્લોર જવા રવાના થશે. ગિલને ફ્લૂના કારણે દુલીપ ટ્રોફી માટે આરામ આપવામાં આવ્યો હતો અને હવે તે સીધો એશિયા કપમાં રમતો જોવા મળશે.
કુલદીપ યાદવ અને અર્શદીપ સિંહ પોતાની ફિટનેસ પર કામ કરી રહ્યા છે અને હાર્દિક પંડ્યા બરોડામાં એશિયા કપની તૈયારીમાં વ્યસ્ત છે. મોહમ્મદ સિરાજ હાલમાં હૈદરાબાદમાં છે અને તે ટૂંક સમયમાં બેંગ્લોર જશે.
ઈંગ્લેન્ડ પ્રવાસમાં ઘાયલ થયેલો નીતિશ રેડ્ડી પહેલાથી જ COEમાં છે, તેને ફિટ થવામાં થોડો સમય લાગશે. રિષભ પંતના પગનું પ્લાસ્ટર કાઢી નાખવામાં આવ્યું છે અને આ ખેલાડી BCCI સુવિધામાં રિકવરી શરૂ કરવા જઈ રહ્યો છે.
ભારતીય ક્રિકેટ ટીમ એશિયા કપ માટે કોઈપણ પ્રકારના પ્રેક્ટિસ કેમ્પનું આયોજન કરી રહી નથી. અહેવાલો અનુસાર, ભારતીય ટીમ 3 કે 4 સપ્ટેમ્બરે દુબઈ પહોંચશે અને 9 સપ્ટેમ્બરથી શરૂ થનારા એશિયા કપની તૈયારીઓ શરૂ થશે.
ટીમ ઈન્ડિયા માટે એશિયા કપ જીતવો એટલો સરળ નહીં હોય કારણ કે ટૂર્નામેન્ટની 3 વધુ ટીમો પહેલાથી જ UAEમાં T20 ત્રિકોણીય શ્રેણી રમવા જઈ રહી છે, જેમાં પાકિસ્તાન અને અફઘાનિસ્તાન પણ શામેલ છે. ત્રીજી ટીમ UAE છે, આ T20 શ્રેણી 29 ઓગસ્ટથી શરૂ થઈ રહી છે. (All Photo Credit : PTI / GETTY)
Published On - 6:48 pm, Wed, 27 August 25
