Breaking News: Asian Games 2026 સુધી પહોંચશે ‘ટ્રોફી વિવાદ’! મોહસીન નકવી પાસેથી મેડલ લેશે ટીમ ઈન્ડિયા?
ભારત અને મોહસીન નકવી વચ્ચે એશિયા કપની ટ્રોફીને લઈને સર્જાયેલો વિવાદ હવે એશિયન ગેમ્સમાં પણ ચર્ચાનો વિષય બન્યો છે. 2025માં ભારતીય પુરુષ ટીમ અને 2026માં મહિલા ટીમે નકવી પાસેથી ટ્રોફી સ્વીકારી નહોતી. હવે જાપાનમાં એશિયન ગેમ્સ દરમિયાન જો નકવીને મેડલ વિતરણની જવાબદારી મળે તો ટીમ ઈન્ડિયા શું કરશે? આ અંગે હજુ કોઈ નિર્ણય લેવાયો નથી.
ભારત અને મોહસીન નકવી વચ્ચે એશિયા કપની ટ્રોફીને લઈને સર્જાયેલો વિવાદ હવે એશિયન ગેમ્સમાં પણ ચર્ચાનો વિષય બન્યો છે. જાપાનમાં યોજાઈ રહેલી એશિયન ગેમ્સમાં ભારતના લગભગ 500 ખેલાડીઓ ભાગ લઈ રહ્યા છે.
2025માં ભારતીય પુરુષ ક્રિકેટ ટીમે એશિયા કપ જીત્યા બાદ મોહસીન નકવી પાસેથી ટ્રોફી સ્વીકારવાનો ઇનકાર કર્યો હતો. ત્યારબાદ ટ્રોફી એશિયન ક્રિકેટ કાઉન્સિલની ઓફિસમાં પરત મોકલવામાં આવી હતી.
2026માં ભારતીય મહિલા ટીમે પણ એશિયા કપ જીત્યો હતો. આ પ્રસંગે પણ નકવી પાસેથી ટ્રોફી સ્વીકારવામાં આવી નહોતી. આ ઘટનાને કારણે હવે એશિયન ગેમ્સમાં મેડલ વિતરણને લઈને સવાલો ઊભા થયા છે.
એશિયન ગેમ્સમાં ક્રિકેટના આયોજનમાં એશિયન ક્રિકેટ કાઉન્સિલની ભૂમિકા હોવાથી નકવીને કોઈ તબક્કે સમારોહમાં આમંત્રણ મળી શકે છે. જોકે, મેડલ કોણ આપશે તે હજુ નક્કી થયું નથી.
આ મુદ્દે BCCIના સચિવ દેવજીત સૈકિયાને પણ સવાલ કરવામાં આવ્યો હતો. તેમણે કહ્યું હતું કે અત્યારે ટીમનું ધ્યાન પોડિયમ સુધી પહોંચવા પર છે અને પરિસ્થિતિ ઊભી થયા બાદ જ તેના આધારે નિર્ણય લેવામાં આવશે.
એશિયન ગેમ્સમાં મેડલ વિતરણની મુખ્ય જવાબદારી એશિયન ઓલિમ્પિક કમિટી એટલે કે OCAના પ્રમુખની હોય છે. જોકે, તેઓ આ જવાબદારી અન્ય અધિકારીને પણ સોંપી શકે છે.
ક્રિકેટમાં જો મેડલ વિતરણની જવાબદારી નકવીને સોંપવામાં આવે તો ભારતીય ટીમ સામે અલગ સ્થિતિ ઊભી થઈ શકે છે. BCCI અથવા ભારતીય ઓલિમ્પિક એસોસિએશન આ બાબતે શું વલણ લેશે તે હાલમાં સ્પષ્ટ નથી.
મેડલ સમારોહમાં ખેલાડીઓએ નિયમોનું પાલન કરવાનું હોય છે. 2014માં ભારતીય બોક્સર સરિતા દેવીએ મેડલ સમારોહ દરમિયાન બ્રોન્ઝ મેડલ સ્વીકારવાનો ઇનકાર કર્યો હતો, જેના પગલે તેમના પર એક વર્ષનો પ્રતિબંધ મૂકાયો હતો. તેથી એશિયન ગેમ્સમાં મેડલ સ્વીકારવાનો મુદ્દો સામાન્ય વિરોધ કરતાં અલગ અને નિયમોથી જોડાયેલો બની શકે છે. (PC:PTI/X)
Published On - 4:49 pm, Sat, 19 September 26
