બહેન રહી ચૂકી છે બિગ બોસનો ભાગ, વાઈલ્ડ કાર્ડ સ્પર્ધકનો આવો છે પરિવાર
અમૃતસર પંજાબનો રહેવાસી શેહબાઝને ફિટનેસ ફ્રીક કહેવામાં આવે છે અને તે પોતાના શરીરને ફિટ રાખવા માટે દરરોજ વર્કઆઉટ પણ કરે છે.શેહબાઝ બદેશા કોણ છે? તેના પરિવારમાં કોણ છે, ચાલો જાણીએ.
સલમાન ખાનનો લોકપ્રિય રિયાલિટી શો 'બિગ બોસ' ની 19મી સીઝન શરૂ થઈ ચૂકી છે. શેહબાઝ બદેશા પણ બિગ બોસની 19મી સીઝનનો ભાગ બન્યો છે. શાહબાઝએ વાઈલ્ડ કાર્ડ એન્ટ્રી કરી છે.
શેહબાઝ બદેશા બિગ બોસ 13ના ફેમસ સ્પર્ધક શહેનાઝ ગિલનો નાનો ભાઈ છે. શેહબાઝ ઇન્સ્ટાગ્રામ અને યુટ્યુબ પર પણ ખૂબ જ લોકપ્રિય છે. પંજાબના અમૃતસરમાં જન્મેલા શાહબાઝ ફિટનેસ ફ્રીક છે. તે પોતાની ફિટનેસનું ખૂબ ધ્યાન રાખે છે. તેણે અત્યાર સુધીમાં ઘણા મ્યુઝિક વીડિયોમાં પણ કામ કર્યું છે.
શેહબાઝના પિતા સંતોખ સિંહ ગિલ એક રાજકારણી છે. જ્યારે તેમની માતા પરમિંદર કૌર ગૃહિણી છે. શેહબાઝ ઘણી વખત તેમની બહેન શહનાઝ સાથે જોવા મળ્યા છે.
શેહબાઝના ઇન્સ્ટાગ્રામ પર પણ તેમના ફોલોઅર્સ ખૂબ જ મોટી સંખ્યામાં છે. શેહબાઝને ઇન્સ્ટાગ્રામ પર 9 લાખ 60 હજાર લોકો ફોલો કરે છે.
તમને જણાવી દઈએ કે, શાહબાઝ બદેશા બિગ બોસ 13માં પણ જોવા મળી ચૂક્યો છે. તમને જણાવી દઈએ કે તે તેની બહેન શહેનાઝ ગિલને સપોર્ટ કરવા માટે શોમાં આવ્યો હતો.
બિગ બોસ 19માં શહેબાઝે વાઈલ્ડ કાર્ડ એન્ટ્રી કરી છે. હવે જોવાનું રહેશે કે, તે તેની બહેનની જેમ શોમાં ધમાલ મચાવી શકશે કે પોતાની ઓળખ બનાવી શકશે.
શેહબાઝ ઇન્સ્ટાગ્રામ પર મુસાફરી, ફિટનેસ અને વાયરલ વીડિયો બનાવવા માટે પ્રખ્યાત છે. તેમણે સોશિયલ મીડિયા પર પોતાનો મજબૂત ચાહક વર્ગ બનાવીને રાખ્યો છે.
શેહબાઝ લગભગ દરેક ઈવેન્ટમાં શહેનાઝ સાથે જોવા મળે છે. શહેનાઝના કારણે, શેહબાઝ તેની કારકિર્દીમાં નવી ઊંચાઈઓ સ્પર્શી રહ્યો છે.શહેનાઝ ગિલ પણ બિગ બોસ બાદ ખુબ ફેમસ થઈ છે.
Published On - 7:11 am, Tue, 23 September 25
