દાદા અને પિતાએ કર્યા 2 વખત લગ્ન, આલિયા ભટ્ટનું ગુજરાત સાથે છે ખાસ કનેક્શન, આવો છે પરિવાર
આલિયા ભટ્ટ બોલિવૂડની ટોચની અભિનેત્રીઓમાંની એક છે. તે ખૂબ જ ભવ્ય લક્ઝરી લાઈફ જીવે છે. તમને જણાવી દઈએ કે, આલિયા ભટ્ટનું ગુજરાતી કનેક્શન છે. આલિયા ભટ્ટના દાદા ગુજરાતી હતા. આલિયા ભટ્ટના પરિવાર વિશે જાણો
બોલિવુડ ઈન્ડસ્ટ્રીમાં કેટલાક પરિવારો એવા છે, જેમની પેઢીઓ હજુ પણ બોલીવુડ સાથે જોડાયેલી છે. કપૂર પરિવાર આમાં સૌથી આગળ છે, જેમની ચોથી પેઢી હવે સિનેમામાં કામ કરી રહી છે. રણબીર કપૂર હવે તેમનો ફિલ્મ વારસો સંભાળી રહ્યા છે અને તેમની પત્ની આલિયા ભટ્ટ છે, જે લોકપ્રિય ફિલ્મ નિર્માતા મહેશ ભટ્ટની પુત્રી છે.
આલિયા ભટ્ટ સિનેમાની સૌથી લોકપ્રિય અભિનેત્રીઓમાંની એક છે. ફિલ્મી પરિવારમાં જન્મેલી આલિયાને વારસામાં અભિનય પ્રતિભા મળી છે. તેણે પોતાની ક્ષમતાથી અભિનયની દુનિયામાં પોતાનું મજબૂત સ્થાન બનાવ્યું છે. આલિયા ભટ્ટે 19 વર્ષની ઉંમરે ફિલ્મ 'સ્ટુડન્ટ ઓફ ધ યર' થી ડેબ્યૂ કર્યું હતું. ત્યારથી, આલિયા રાજ કરી રહી છે.
તો આજે આપણે આલિયા ભટ્ટના પરિવાર તેમજ તેની પર્સનલ લાઈફ વિશે રસપ્રદ વાતો કરીએ. આલિયા ભટ્ટના દાદા નાનાભાઈ ભટ્ટે 100 થી વધુ ગુજરાતી અને હિન્દી ફિલ્મો બનાવી હતી.
આલિયા ભટ્ટનો જન્મ 15 માર્ચ 1993ના રોજ મુંબઈમાં ફિલ્મ નિર્માતા મહેશ ભટ્ટ અને અભિનેત્રી સોની રાઝદાનને ત્યાં થયો હતો. તેના પિતા ગુજરાતી છે અને માતા કાશ્મીરી-પંડિત અને જર્મન-બ્રિટિશ વંશના છે.
તમારા મનપસંદ હીરો, હિરોઈન, ક્રિકેટર, રાજનેતા, ઉદ્યોગપતિ, અગ્રણી મહિલા, અન્ય ખેલાડી વગેરેના ફેમિલી ટ્રી જોવા માટે ક્લિક કરો
આલિયા ભટ્ટનો જન્મ મહેશ ભટ્ટ અને સોની રાઝદાનને ત્યાં થયો હતો. આલિયાએ ફિલ્મ 'સંઘર્ષ' (1999)માં બાળ કલાકાર તરીકે કામ કર્યું હતું. આ ફિલ્મમાં તેણે પ્રીતિ ઝિન્ટાના બાળપણનો રોલ ભજવ્યો હતો. આલિયાએ પોતાની સુંદરતાથી ચાહકોના દિલ જીતી લીધા હતા. ત્યારબાદ તેને 2012માં કરણ જોહરની ફિલ્મથી એન્ટ્રી કરી હતી.
આલિયાએ પોતાની પહેલી ફિલ્મ 'સ્ટુડન્ટ ઓફ ધ યર'થી ચાહકોના દિલ જીતી લીધા હતા. આ ફિલ્મમાં તે વરુણ ધવન અને સિદ્ધાર્થ મલ્હોત્રા સાથે જોવા મળી હતી. તેણે પોતાની કારકિર્દીમાં ઘણી શાનદાર ફિલ્મો કરી છે.
જેમાં હાઇવે, ડિયર જિંદગી, બદ્રીનાથ કી દુલ્હનિયા, ગલી બોય, એ દિલ હૈ મુશ્કિલ, રાઝી, ડાર્લિંગ્સ, ગંગુબાઈ કાઠિયાવાડી, બ્રહ્માસ્ત્ર અને રોકી અને રાની કી પ્રેમ કહાની જેવી ફિલ્મોનો સમાવેશ થાય છે. દરેક ફિલ્મ સાથે આલિયાનો અભિનય સુંદર છે.
આલિયાએ 2022 માં રણબીર કપૂર સાથે લગ્ન કર્યા. આલિયા અને રણબીરની લવ સ્ટોરી ફિલ્મ 'બ્રહ્માસ્ત્ર' ના સેટથી શરૂ થઈ હતી. રણબીર કપૂરે કેન્યાના મસાઈ મારા નેશનલ રિઝર્વમાં આલિયા ભટ્ટને પ્રપોઝ કર્યું હતું. આ સ્થળ વિશ્વની સૌથી સુંદર જગ્યાઓમાંની એક છે.
આલિયા ભટ્ટ અને રણબીર કપૂરે એપ્રિલ 2022માં લગ્ન કર્યા હતા. નવેમ્બર 2022માં, બંનેએ તેમના પ્રથમ બાળક તરીકે દીકરી રાહાનું સ્વાગત કર્યું હતુ. રાહા પણ ખુબ લાઈમલાઈટમાં રહે છે.
આલિયા ભટ્ટની કુલ સંપત્તિ લગભગ 550 કરોડ રૂપિયા છે. તે એક ફિલ્મ માટે 15 થી 18 કરોડ રૂપિયા ચાર્જ કરે છે. ( પબ્લિક ડોમેનમાં ઉપલબ્ધ માહિતી અનુસાર)
