શાહરુખના મન્નતથી લઈને અમિતાભના જલસા સુધી, આ છે બોલીવુડ સ્ટાર્સના 5 સૌથી મોંઘા અને આલીશાન બંગલો
કેટલાક બોલિવુડ સ્ટાર્સના બંગલા ઘણાં શાનદાર છે. તેને જોવા લોકો દૂર-દૂરથી આવે છે, પરંતુ તમે જાણો છો કે બોલિવુડના 5 સૌથી મોંઘા બંગલો કોનો છે અને ક્યા સ્ટારનો છે. તો તમને જણાવી દઈએ કે આમાંથી એક બંગલોની કિંમત તો 250 કરોડ છે.
શાહરુખ ખાનનો મન્નત - આ લિસ્ટમાં સૌથી પહેલું નામ શાહરુખ ખાનના 'મન્નત'નું આવે છે. તેનો બંગલો મુંબઈના ફેમસ વિસ્તાર બેન્ડસ્ટેન્ડમાં બનેલો છે. આ બંગલામાંથી તે તેના ફેન્સને પણ મળે છે. આ બંગલાની કિંમત 200 કરોડ રુપિયાની આસપાસ છે. શું તમે જાણો છો કે શાહરુખ ખાનના બંગલાને પહેલા વિલા વિયના કહેવામાં આવતો હતો. વર્ષ 2001માં શાહરુખે તેને ખરીદ્યો અને વર્ષ 2005માં આ બંગલાનું નામ મન્નત રાખવામાં આવ્યું. આમાં તે તેના પરિવાર સાથે રહે છે.
અમિતાભ બચ્ચનનો જલસા - અમિતાભ બચ્ચનનો મુંબઈના જૂહુમાં બનેલો બંગલો કોઈ મહેલથી ઓછો નથી, જેનું નામ 'જલસા' છે. રિપોર્ટ મુજબ તેની કિંમત 112 કરોડ રુપિયા છે. ઓછા લોકો જાણે છે કે અમિતાભ બચ્ચનનો આ બંગલો તેને પોતે ખરીદ્યો નથી. આ તેને ગિફ્ટના રુપમાં મળેલો છે. તેને 1982માં આવેલી ફિલ્મ 'સત્તા પે સત્તા'માં જોરદાર એક્ટિંગ કરવા બદલ ફિલ્મના ડાયરેક્ટર એનસી સિપ્પીએ આપ્યો હતો. આ બંગલામાં તે અભિષેક બચ્ચન, જયા બચ્ચન અને પૌત્ર-પૌત્રી સહિત આખા પરિવાર સાથે રહે છે.
રણબીર કપૂરનો વાસ્તુ - રણબીર કપૂરના બંગલાનું નામ 'વાસ્તુ' છે. આ મુંબઈના બાંદ્રામાં પાલી હિલ પર બનેલો છે. રણબીર કપૂર તેની પત્ની આલિયા ભટ્ટની સાથે તેમાં રહે છે. રણબીર કપૂર અને આલિયા ભટ્ટના લગ્નની વિધી પણ આ બંગલામાં થઈ હતી. લગ્નમાં બોલિવુડના કેટલાક સ્ટાર્સ અને રણબીર-આલિયાના નજીકના મિત્રો અને પરિવારના લોકો સામેલ થયા હતા. આ બંગલોની કિંમત 35 કરોડ છે. રિપોર્ટ મુજબ હાલમાં જ રણબીર કપૂર અને આલિયા ભટ્ટે 250 કરોડ રુપિયાનો એક અપાર્ટમેન્ટ ખરીદ્યો છે.
રણવીર સિંહ અને દીપિકા પાદુકોણનું ઘર - રણવીર સિંહ અને દીપિકા પાદુકોણ મુંબઈમાં એક શાનદાર અપાર્ટમેન્ટમાં રહે છે. તે શાહરુખ ખાનનો પડોસી છે. વર્ષ 2022માં રણવીર અને તેના પિતાની કંપનીએ મુંબઈના બાંદ્રામાં જ હાઉસિંગ સોસાયટીના 16 થી 19 સુધીના ફ્લોર ખરીદ્યા હતા. આ 118.94 કરોડમાં ખરીદ્યા હતા. આ સાથે રજિસ્ટ્રેશનમાં પણ 7.13 કરોડ રુપિયા થયા હતા. રણબીર સિંહ અને દીપિકા પાદુકોણે તેમના ઘરનો ફોટો પણ શેર કર્યો હતો.
અનુષ્કા શર્મા અને વિરાટ કોહલીનું ઘર - વિરાટ કોહલી અને અનુષ્કા શર્મા તેમના બાળકો સાથે શાનદાર ચાર બેડરુમવાળા અપાર્ટમેન્ટમાં રહે છે, જે ઓમકાર 1973 નામના કોમ્પલેક્સના ટાવર સીમાં 35 માં માળ પર છે. વિરાટે 2016માં આ લક્ઝરી જગ્યા ખરીદી હતી. અનુષ્કા શર્મા અવારનવાર ઘરના ફોટો શેર કરતી રહે છે.