Breaking News: વિરાટ કોહલીએ તોડ્યો 2645 રનનો ઐતિહાસિક રેકોર્ડ, ઇંગ્લેન્ડની ધરતી પર રચ્યો નવો ઇતિહાસ; રિકી પોન્ટિંગને પણ પછાડ્યો
કાર્ડિફ વનડેમાં મેદાન પર ઉતરતાની સાથે જ કિંગ કોહલીએ રેકોર્ડ્સની ઝડી લગાવી દીધી છે. ઇંગ્લેન્ડની ધરતી પર સૌથી વધુ રન બનાવવાનો રાહુલ દ્રવિડનો વર્ષો જૂનો રેકોર્ડ તોડવાની સાથે વિરાટે કયા કયા અદભુત કીર્તિમાન સ્થાપ્યા, તેની પૂરી વિગત અહીં જુઓ.
જો વિરાટ કોહલી ક્રિકેટના મેદાન પર હાજર હોય, તો સમજી લેવું કે રેકોર્ડ્સ તૂટવાના જ છે. કિંગ કોહલીએ ઇંગ્લેન્ડ સામેની કાર્ડિફ વનડે મેચમાં પણ એક ખાસ અને ઐતિહાસિક રેકોર્ડ પોતાના નામે કરી લીધો છે. વિરાટ કોહલીએ ઇંગ્લેન્ડમાં સૌથી વધુ ઇન્ટરનેશનલ રન બનાવવાનો અદભુત પરાક્રમ કરી બતાવ્યો છે. તે હવે ઇંગ્લેન્ડની ધરતી પર સૌથી વધુ આંતરરાષ્ટ્રીય રન બનાવનારો ભારતીય ખેલાડી બની ગયો છે.
આ પહેલા પૂર્વ ક્રિકેટર રાહુલ દ્રવિડ ઇંગ્લેન્ડની ધરતી પર 2645રન બનાવીને ભારતીય બેટ્સમેનોની યાદીમાં ટોચના સ્થાને હતો, પરંતુ હવે વિરાટ કોહલી તેનાથી આગળ નીકળી ગયો છે. વિરાટે પોતાની કરિયરની 75મી ઇનિંગ્સમાં આ મોટો કીર્તિમાન સ્થાપ્યો છે.
SENA દેશોમાં વનડે મેચોની સદી: વિરાટ કોહલીએ કાર્ડિફ વનડેમાં રમવા ઉતરતાની સાથે જ સેના (SENA - સાઉથ આફ્રિકા, ઇંગ્લેન્ડ, ન્યુઝીલેન્ડ અને ઓસ્ટ્રેલિયા) દેશોમાં પોતાની 100 વનડે મેચો પૂરી કરી લીધી છે.
ભારત તરફથી આ દેશોમાં 100 કે તેથી વધુ વનડે મેચ રમવાનો આ આંકડો માત્ર સચિન તેંડુલકર અને મહેન્દ્ર સિંહ ધોનીના નામે જ નોંધાયેલો છે, જેમાં હવે વિરાટ સામેલ થયો છે.
રિકી પોન્ટિંગને પણ પછાડ્યો: આ મેચમાં મેદાન પર પગ મૂકતાની સાથે જ વિરાટ કોહલીએ ઓસ્ટ્રેલિયાના મહાન કેપ્ટન રિકી પોન્ટિંગને પણ પાછળ છોડી દીધો છે. વિરાટ કોહલી હવે રિકી પોન્ટિંગ કરતા પણ વધુ આંતરરાષ્ટ્રીય મેચ રમનારો ખેલાડી બની ગયો છે. પોન્ટિંગે પોતાના કરિયરમાં કુલ 560 ઇન્ટરનેશનલ મેચ રમી હતી, જ્યારે વિરાટ હવે તેનાથી આગળ નીકળીને ક્રિકેટ ઇતિહાસમાં વધુ એક ડગલું આગળ વધી ગયો છે.(all image credit: GETTY IMAGES)
