Breaking News : શું ક્રિકેટર મોહમ્મદ શમી રાજકારણમાં એન્ટ્રી કરશે ? જયંત ચૌધરી સાથેની મુલાકાત બાદ રાજકીય ચર્ચાઓ તેજ થઈ
મોહમ્મદ શમી અંદાજે દોઢ વર્ષથી ભારતીય ક્રિકેટ ટીમમાંથી બહાર ચાલી રહ્યો છે. અને તેની પસંદગી ન થવી ઘણીવાર પ્રશ્નો ઉભા કરે છે. તેના ચૂંટણી લડવાની અફવાઓએ અચાનક જોર પકડ્યું છે. તો ચાલો સમગ્ર વાત શું છે જાણીએ.
ભારતીય ક્રિકેટ ટીમના સ્ટાર ફાસ્ટ બોલર મોહમ્મદ શમી સતત ચર્ચામાં રહે છે. છેલ્લા થોડા સમયથી તેને ટીમ ઈન્ડિયામાં સ્થાન મળી રહ્યું નથી.
પરંતુ આ બધાની વચ્ચે અચાનક મોહમ્મદ શમી ચૂંટણી લડવાની અફવાએ જોર પકડ્યું છે. શું ખરેખર મોહમ્મદ શમી ચૂંટણીના મેદાનમાં ઉતરશે.
આ અફવાઓ અને અટકળોનું કારણ મોહમ્મદ શમીનો એક ફોટો છે. શમીનો આ ફોટો રાષ્ટ્રીય લોક દળના અધ્યક્ષ અને કેન્દ્ર સરકારના મંત્રી જયંત ચૌધરીની સાથે છે.
20 સપ્ટેમ્બરના રોજ મોહમ્મદ શમીએ જયંત ચૌધરી સાથે મુલાકાત કરી હતી. ત્યારબાદ ચર્ચાઓ થવા લાગી કે, મોહમ્મદ શમી 2027ની યુપી વિધાનસભાની ચૂંટણીમાં તો ઉતરવાનો નથી ને.
પરંતુ હાલમાં આવા કોઈ દાવા કે અફવામાં કોઈ સત્ય નથી કારણ કે ,મોહમ્મદ શમી હજુ પણ એક એક્ટિવ ક્રિકેટર છે અને તેણે કે જયંત ચૌધરીએ તેની પુષ્ટિ કરી નથી.
મોહમ્મદ શમી લગભગ દોઢ વર્ષથી આંતરરાષ્ટ્રીય ક્રિકેટથી બહાર છે. તાજેતરના વેસ્ટ ઈન્ડિઝ પ્રવાસ માટે જાહેર કરાયેલી ટીમમાં તેમનું નામ પણ નહોતું. શમીએ દેશ માટે પોતાની છેલ્લી આંતરરાષ્ટ્રીય મેચ 9 માર્ચ, 2025 ના રોજ ન્યુઝીલેન્ડ સામે રમી હતી. ત્યારથી તે ભારતીય ટીમની બહાર છે.
અમરોહા વિધાનસભા બેઠકને મુસ્લિમ બહુમતી ધરાવતો મતવિસ્તાર માનવામાં આવે છે. અંદાજે 3.25 લાખ મતદારોમાંથી, આશરે 200,000 મુસ્લિમ છે. આ મતદારોમાં સૌથી મોટો ભાગ તુર્ક સમુદાયનો છે, જેની સંખ્યા આશરે 70,000 છે.
શમીનો પરિવાર પણ આ સમુદાયનો છે. સતત પાંચ ચૂંટણીઓથી, સમાજવાદી પાર્ટીના મહેબૂબ અલી અહીંથી જીત્યા છે. તેમણે સમાજવાદી પાર્ટીની સરકારમાં મંત્રી તરીકે પણ સેવા આપી હતી. (ALL PHOTO: PTI)
Published On - 7:54 am, Mon, 21 September 26
