Breaking News : અમદાવાદમાં વૈભવ સૂર્યવંશી પર થયો પૈસાનો વરસાદ, ઓરેન્જ કેપ સહિત આ એવોર્ડ પર જમાવ્યો કબજો
વૈભવ સૂર્યવંશીએ આઈપીએલ 2026માં અનેક એવોર્ડ પોતાના નામે કર્યા છે. આ સીઝનમાં તેમણે ક્યા ક્યા એવોર્ડ મળ્યો છે. તેનું ચાલો આખું લિસ્ટ જોઈએ.
રોયલ ચેલેન્જર્સ બેંગ્લોરે સતત બીજી વખત આઈપીએલનો ખિતાબ જીતી ઈતિહાસ રચ્યો છે. આઈપીએલ 2026ની ફાઈનલ મેચમાં બેંગ્લુરુંએ ગુજરાત ટાઈટન્સને 5 વિકેટથી હરાવ્યું છે. આ જીતની સીથે આરસીબી, ચેન્નાઈ સુપર કિંગ્સ અને મુંબઈ ઈન્ડિયન્સ બાદ પોતાનો ખિતાબ ડિફેન્ડ કરનારી ત્રીજી ટીમ બની છે.
મેચ પૂર્ણ થયા બાદ એવોર્ડ સેરેમનીમાં રાજસ્થાન રોયલ્સના 15 વર્ષના યુવા બેટ્સમેન વૈભવ સૂર્યવંશીનો જલવો રહ્યો હતો. શાનદાર પ્રદર્શનની સાથે ઓરેન્જ કેપ સહિત કુલ આટલા એવોર્ડ પોતાને નામ કર્યા હતા.
વૈભવ સૂર્યવંશીએ આ સીઝનમાં કુલ 16 મેચમાં કુલ 776 રન બનાવ્યા છે. સૌથી વધારે રન બનાવનારને ઓરેન્જ કેપ આપવામાં આવે છે. તેમજ ઈનામ રુપે 10 લાખ રુપિયા આપવામાં આવે છે.
મોસ્ટ વૈલ્યુએબલ પ્લેયર આખી સીઝનમાં સૌથી શાનદાર ખેલાડી બનવા માટે આ એવોર્ડ આપવામાં આવે છે. વૈભવે 16 મેચમાં 436.5 પોઈન્ટ મળ્યા છે. આ એવોર્ડ સાથે 15 લાખ રુપિયાની પ્રાઈઝમની મળી છે.
વૈભવ સૂર્યવંશીએ આ સીઝનમાં 237.30ની તોફાની સ્ટ્રાઈક રેટથી રન બનાવ્યા છે. જે અન્ય બેટ્સમેનોની તુલનામાં સૌથી વધારે રહ્યું છે. આ માટે ટાટા સિયરા એવોર્ડના રુપમાં મળી છે.
વૈભવ સૂર્યવંશીને આઈપીએલ 2026 સીઝનમાં બેટમાંથી તેના શાનદાર પ્રદર્શન માટે એમર્ઝિંગ પ્લેયરનો એવોર્ડ મળ્યો છે. જેના માટે ટ્રોફી સાથે 10 લાખ રુપિયા મળ્યા છે.
વૈભવે આ સીઝનમાં કુલ 72 સિક્સ ફટકારી છે.આ સાથે તેમણે દિગ્ગજ ક્રિસ ગેલનો એક સીઝનમાં સૌથી વધારે સિક્સ ફટકારવાનો રેકોર્ડ તોડ્યા છે. આ એવોર્ડ માટે તેને 10 લાખ રુપિયા આપવામાં આવ્યા છે.
