અંબાણીના આ શેર પર ફરી જાગી લોકોની આશા, 26 રૂપિયાનો સ્ટોક મારશે મોટી છલાંગ ! જાણો વિગત
અનિલ અંબાણીની કંપની રિલાયન્સ પાવરના શેર એક વર્ષથી ચર્ચામાં છે. એક સમયગાળા દરમિયાન, 130% સુધીનો જબરદસ્ત વધારો થયો હતો. હવે ફરીથી એક્સપર્ટનું માનવું છે કે આ શેરમાં ઉછાળો આવી શકે છે.
મહત્વનું છે કે તાજેતરના મહિનાઓમાં રિલાયન્સ પાવરની બે સબસિડિયરી કંપનીઓએ ઓથમ ઈન્વેસ્ટમેન્ટની શાખા રિલાયન્સ કોમર્શિયલ ફાઈનાન્સ સાથે રૂ. 1,023 કરોડની લોનનું સમાધાન કર્યું છે. કંપનીએ સ્ટોક એક્સચેન્જને આપેલી માહિતીમાં જણાવ્યું હતું કે રિલાયન્સ પાવર લિમિટેડની બે પેટાકંપનીઓ, કલાઈ પાવર પ્રાઈવેટ લિમિટેડ અને રિલાયન્સ ક્લીનજેન લિમિટેડ, રિલાયન્સ કોમર્શિયલ ફાઈનાન્સ લિમિટેડ (RCFL) સાથે લોન સેટલમેન્ટ અને કરાર કર્યા છે, જે તેની સંપૂર્ણ માલિકીની પેટાકંપની છે.
ઓથમ ઇન્વેસ્ટમેન્ટ એન્ડ ઇન્ફ્રાસ્ટ્રક્ચર લિમિટેડ એમેનસિપેશન એગ્રીમેન્ટ પર હસ્તાક્ષર કર્યા છે. કંપનીએ કહ્યું કે તેણે રૂપિયા 1,023 કરોડની લોનનું સમાધાન કર્યું છે. રિલાયન્સ કોમર્શિયલ ફાઇનાન્સ સાથેનો લોન કરાર રિલાયન્સ પાવરે મહારાષ્ટ્રમાં તેના 45 મેગાવોટનો પવન ઉર્જા પ્રોજેક્ટ JSW રિન્યુએબલ એનર્જીને રૂપિયા 132 કરોડમાં વેચવાની જાહેરાત કર્યાના દિવસો બાદ થયો છે.
કલાઈ પાવરે ડિસેમ્બર 2023માં અરુણાચલ પ્રદેશમાં તેના પ્રસ્તાવિત 1,200 મેગાવોટના હાઈડ્રો-પાવર પ્રોજેક્ટના વિકાસ અધિકારો THDC ઈન્ડિયા લિમિટેડને રૂ. 128 કરોડમાં વેચ્યા હતા. કંપનીના એક અધિકારીના જણાવ્યા અનુસાર, આ પ્રોપર્ટીના વેચાણમાંથી એકત્ર થયેલા ફંડનો ઉપયોગ લોનની ચુકવણી માટે કરવામાં આવ્યો હતો.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
