Adani Company Profit: 177 કરોડ રૂપિયા થયો અદાણીની કંપનીનો નફો, શેર ખરીદવા ધસારો, 1200% વધી કિંમત
અદાણી ગ્રુપની શહેરી આ કંપનીનો ચોખ્ખો નફો ચાલુ નાણાકીય વર્ષના પ્રથમ ક્વાર્ટર (એપ્રિલ-જૂન)માં 20 ટકા વધીને 177 કરોડ રૂપિયા થયો છે. આ નાણાકીય વર્ષ 2024-25ની સારી શરૂઆત છે. કંપનીએ 17 ટકા વોલ્યુમ ગ્રોથ સાથે 21 ટકા EBITDA ગ્રોથ હાંસલ કરીને મજબૂત ઓપરેશનલ અને નાણાકીય પ્રદર્શન આપ્યું છે.
અદાણી ગ્રુપની આ કંપનીનો ચોખ્ખો નફો ચાલુ નાણાકીય વર્ષના પ્રથમ ક્વાર્ટર (એપ્રિલ-જૂન)માં 20 ટકા વધીને રૂ. 177 કરોડ થયો છે. કંપનીએ સોમવારે એક નિવેદનમાં જણાવ્યું હતું કે એપ્રિલ-જૂન ક્વાર્ટર દરમિયાન CNG અને પાઇપ્ડ કૂકિંગ ગેસ (PNG)ના વેચાણમાં વધારો થવાને કારણે તેનો નફો વધ્યો છે.
સમીક્ષા હેઠળના ક્વાર્ટરમાં કંપનીનો ચોખ્ખો નફો 177 કરોડ રૂપિયા હતો, જ્યારે ગયા વર્ષના સમાન ક્વાર્ટરમાં તેનો નફો રૂ. 148 કરોડ હતો.
સમીક્ષા હેઠળના સમયગાળા દરમિયાન, અદાણી ટોટલ ગેસની ઓપરેટિંગ આવક નવ ટકા વધીને રૂ. 1,237 કરોડ થઈ છે. આ સમયગાળા દરમિયાન, કંપનીની પ્રી-ટેક્સ આવક (Ebitda) વાર્ષિક ધોરણે 21 ટકા વધીને રૂ. 308 કરોડ થઈ છે.
કંપનીએ જણાવ્યું કે નાણાકીય વર્ષ 2024-25ના પ્રથમ ક્વાર્ટરમાં CNGનું વેચાણ 20 ટકા વધીને 153 મિલિયન સ્ટાન્ડર્ડ ક્યુબિક મીટર થયું છે. PNG વેચાણ 11 ટકા વધીને 77 મિલિયન સ્ટાન્ડર્ડ ક્યુબિક મીટર થયું છે.
અદાણી ટોટલ ગેસ લિમિટેડના એક્ઝિક્યુટિવ ડિરેક્ટર અને ચીફ એક્ઝિક્યુટિવ ઓફિસર (CEO) સુરેશ પી મંગલાનીએ જણાવ્યું હતું કે, “આ નાણાકીય વર્ષ 2024-25ની સારી શરૂઆત છે.
કંપનીએ 17 ટકા વોલ્યુમ ગ્રોથ સાથે 21 ટકા EBITDA ગ્રોથ હાંસલ કરીને મજબૂત ઓપરેશનલ અને નાણાકીય પ્રદર્શન આપ્યું છે.”
આજે સોમવારે અદાણી ટોટલના શેરમાં 4% થી વધુનો વધારો થયો હતો. કંપનીનો શેર આજે રૂ. 924ની ઈન્ટ્રાડે હાઈએ પહોંચ્યો હતો. આ સ્ટોક એક વર્ષમાં 34% અને પાંચ વર્ષમાં 147% વધ્યો છે.
આ વર્ષે અત્યાર સુધીમાં આ સ્ટોક 10% વધ્યો છે અને છ મહિનામાં આ સ્ટોક 13% વધ્યો છે. તેની 52 સપ્તાહની ઊંચી કિંમત 1,259.90 રૂપિયા છે અને તેની 52 સપ્તાહની નીચી કિંમત રૂપિયા 521.95 છે. કંપનીનું માર્કેટ કેપ રૂ. 98,185.55 કરોડ છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
Published On - 10:24 pm, Mon, 29 July 24
