પત્ની બોલિવુડ સ્ટાર, બહેન CA, પિતા ઉદ્યોગપતિ આવો છે AAPના નેતા રાધવ ચઢ્ઢાનો પરિવાર
આમ આદમી પાર્ટીના નેતા રાઘવ ચઢ્ઢા હાલમાં ખુબ ચર્ચામાં છે.આમ આદમી પાર્ટીએ રાઘવ ચઢ્ઢાને રાજ્યસભામાં AAPના ઉપનેતા પદ પરથી હટાવી દીધા છે. તો આજે આપણે રાધવ ચઢ્ઢાના પરિવાર અને પર્સનલ લાઈફ વિશે વાત કરીએ.
AAP નેતા રાઘવ ચઢ્ઢાએ બોલીવુડ અભિનેત્રી પરિણીતી ચોપરા સાથે લગ્ન કર્યા છે. બંન્ને એક દીકરાના માતા-પિતા પણ છે. તો ચાલો જાણો પરિણીતી ચોપરાના સાસરિયા અને નણંદ કોણ છે અને તેઓ શું કરે છે. તેના વિશે જાણીએ.
રાઘવ ચઢ્ઢા એક ભારતીય રાજકારણી અને આમ આદમી પાર્ટીના સભ્ય છે, જે ભારતીય સંસદના ઉપલા ગૃહ રાજ્યસભામાં સંસદ સભ્ય તરીકે સેવા આપી ચૂક્યા છે.તેમના પરિવારમાં પિતા સુનીલ ચઢ્ઢા (ઉદ્યોગપતિ), માતા અલકા ચઢ્ઢા (ગૃહિણી) અને એક નાની બહેન છે.
AAP નેતા રાઘવ ચઢ્ઢાના પરિવાર અને પર્સનલ લાઈફ વિશે જાણો
તેઓ 2022 માં પંજાબ વિધાનસભા દ્વારા રાજ્યસભામાં ચૂંટાયા હતા. તેમણે 2020 થી 2022 સુધી દિલ્હી જલ બોર્ડના ભૂતપૂર્વ ઉપાધ્યક્ષ અને રાજિન્દર નગર મતવિસ્તારમાંથી દિલ્હી વિધાનસભાના સભ્ય તરીકે સેવા આપી હતી.
11 નવેમ્બર 1988ના રોજ નવી દિલ્હીમાં જન્મેલા ચઢ્ઢાએ પોતાનું શાળાકીય શિક્ષણ મોર્ડન સ્કૂલ (નવી દિલ્હી)માંથી મેળવ્યું અને દિલ્હી યુનિવર્સિટી (ડીયુ)માંથી સ્નાતક થયા. ત્યારબાદ તેમણે ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયામાંથી ચાર્ટર્ડ એકાઉન્ટન્સીનો અભ્યાસ કર્યો.
તેમની શરૂઆતની કારકિર્દીમાં તેમણે ડેલોઇટ અને ગ્રાન્ટ થોર્ન્ટન સહિતની એકાઉન્ટન્સી કંપનીઓ સાથે કામ કર્યું છે.તેઓ એક કાર્યરત ચાર્ટર્ડ એકાઉન્ટન્ટ પણ છે.
રાધવ ચઢ્ઢા શરૂઆતથી જ આમ આદમી પાર્ટીનો ભાગ રહ્યા છે. અરવિંદ કેજરીવાલે તેમને 2012માં દિલ્હી લોકપાલ બિલનો મુસદ્દો તૈયાર કરવામાં પ્રોત્સાહન આપ્યું હતું, જે તેમનું પહેલું રાજકીય કાર્ય પણ હતું.
તેમણે પોતાને AAP ના ટીવી ચહેરા તરીકે સ્થાપિત કર્યા અને AAPના સૌથી યુવા રાષ્ટ્રીય પ્રવક્તા અને તમામ પક્ષોમાં સૌથી યુવા છે.
જ્યારે AAP એ 2015 ની દિલ્હી વિધાનસભાની ચૂંટણી બહુમતીથી જીતી, ત્યારે 26 વર્ષની ઉંમરે ચઢ્ઢાને AAPના રાષ્ટ્રીય ખજાનચી તરીકે નિયુક્ત કરવામાં આવ્યા હતા.
રાધવ ચઢ્ઢાએ 13 મે 2023ના રોજ નવી દિલ્હીના કપૂરથલા હાઉસ ખાતે અભિનેત્રી પરિણીતી ચોપરા સાથે સગાઈ કરી હતી.તેમના લગ્ન 24 સપ્ટેમ્બર 2023ના રોજ રાજસ્થાનના ઉદયપુરના ધ લીલા પેલેસ ખાતે પરંપરાગત હિન્દુ લગ્ન સમારંભમાં થયા હતા.
આ દંપતીએ 19 ઓક્ટોબર 2025ના રોજ તેમના પહેલા બાળક એક છોકરાનું સ્વાગત કર્યું અને તેમના પુત્રનું નામ 'નીર' રાખ્યું હતુ.
2024માં રાધવ ચઢ્ઢા લંડનમાં વિટ્રેક્ટોમી સર્જરી કરાવવા ગયા હતા. તેમની લાંબી ગેરહાજરી વિશે પૂછવામાં આવતા, તેમના પક્ષના સાથી સૌરભ ભારદ્વાજે દાવો કર્યો હતો કે જો સમયસર ઓપરેશન ન થયું હોત તો તેઓ દૃષ્ટિ ગુમાવી શક્યા હોત.
રિપોર્ટ મુજબ પરણિતી ચોપરાની કુલ નેટવર્થ અંદાજે 74 કરોડ રુપિયા છે. કેટલાક મીડિયા રિપોર્ટ મુજબ રાધવ ચઢ્ઢાની કુલ નેટવર્થ અંદાજે 50 લાખ રુપિયા છે
