ગુજરાતના ગ્રામ્ય વિસ્તારોને ડિજિટલ સેવાથી આવરી લેવાશે, 8 ઓક્ટોબરે 2 ગામમાં ડિજિટલ સેવા સેતુ કાર્યક્રમ, તલાટી પણ કરી શકશે એફિડેવીટ, ડિસેમ્બર 2020 સુધીમાં 8 હજાર ગામને આવરી લેવાશે

ગુજરાતમાં આગામી 8 ઓક્ટોબરથી રાજ્યની 2000 ગ્રામ પંચાયતોમાં ડિજિટલ સેવા સેતુ કાર્યક્રમ શુ કરવામાં આવશે. મુખ્યપ્રધાન વિજય રૂપાણીએ, જાહેરાત કરી હતી કે, ગ્રામ્યસ્તરના લોકોને ઘરે બેઠા જ સમસ્યાનું નિરાકરણ મળે તે માટે ડિજિટલ સેવા સેતુ કાર્યક્રમ શરૂ કરાશે. ડિજિટલ સેવા સેતુના પ્રથમ તબક્કામાં, 2000 ગ્રામ પંયાયતોને આવરી લેવાશે. ડિસેમ્બર 2020 સુધીમાં આ સેવા વિસ્તારીને 8000 […]

Bipin Prajapati | Updated on: Oct 06, 2020 | 11:57 AM

ગુજરાતમાં આગામી 8 ઓક્ટોબરથી રાજ્યની 2000 ગ્રામ પંચાયતોમાં ડિજિટલ સેવા સેતુ કાર્યક્રમ શુ કરવામાં આવશે. મુખ્યપ્રધાન વિજય રૂપાણીએ, જાહેરાત કરી હતી કે, ગ્રામ્યસ્તરના લોકોને ઘરે બેઠા જ સમસ્યાનું નિરાકરણ મળે તે માટે ડિજિટલ સેવા સેતુ કાર્યક્રમ શરૂ કરાશે. ડિજિટલ સેવા સેતુના પ્રથમ તબક્કામાં, 2000 ગ્રામ પંયાયતોને આવરી લેવાશે. ડિસેમ્બર 2020 સુધીમાં આ સેવા વિસ્તારીને 8000 ગ્રામ્ય પંચાયતોને આવરી લેવાશે.

સેવા સેતુ કાર્યક્રમ અંતર્ગત મળતી સેવાઓ તબક્કાવાર ગ્રામ પંચાયત કક્ષાએ ઉપલબ્ધ કરાવવાનો ધ્યેય રાખવામા આવ્યો છે. આ સેવા અંતર્ગત વિવિધ સેવાઓ માટે એફિડેવિટ કરવાની સત્તા હવે નોટરી-તાલુકા મેજીસ્ટ્રેટ ઉપરાંત ગ્રામ પંચાયતના તલાટી મંત્રીને પણ આપવામાં આવશે. ગુજરાત સરકારના આ નિર્ણયને પગલે, ગ્રામ્ય વિસ્તારના લોકોને ઘરઆંગણે જ એફિડેવિટ કરાવવાની સુવિધા મળતી થશે. ગ્રામીણ પ્રજાજનોને રોજ-બરોજની સેવાઓ પ્રમાણપત્રો માટે હવે તાલુકા કે જિલ્લા મુખ્ય મથકે જવું નહિ પડે. ગ્રામ પંચાયતમાં જ નજીવી ફીથી મળશે ઘરઆંગણે સુવિધાઓ.

અત્યાર સુધીમાં ૩૨૯૬૧ કિ.મીટર અન્ડર ગ્રાઉન્ડ ઓપ્ટીકલ ફાયબર નેટવર્ક દ્વારા ર૩ જિલ્લાની ૭૬૯ર ગ્રામ પંચાયતોને આવરી લેવાઇ છે. દરેક ગ્રામ પંચાયત સ્ટેટ ડેટા સેન્ટર સાથે જોડાયેલી છે.

Web Stories View more