વર્ચસ્વ અને શકિત પ્રદર્શનના હેતુથી હિંદ મહાસાગર પર નજર રાખનાર ચીનને ફરી ચેતવણી મળશે. કેમ કે ભારત(India)અને અમેરિકા(US) વચ્ચે આજથી બે દિવસના યુદ્ધ અભ્યાસ હિંદ મહાસાગર માં શરૂ થયો છે. આ ક્ષેત્રમાં ચીનના વધતા વર્ચસ્વને ધ્યાનમાં રાખીને અનેક હવાઇ સંરક્ષણ મંચોમાં તેનો સમાવેશ કરવામાં આવી રહ્યો છે.
યુ.એસ.એ પરમાણુ સશસ્ત્ર વિમાન વાહક યુએસએસ રોનાલ્ડ રેગન(Ronald Reagan)ના નેતૃત્વમાં શિપ કેરિયર બેટલ ગ્રુપને તૈનાત કરી દીધી છે. આની સાથે F-18 ફાઇટર એરક્રાફ્ટ અને E-2C-હોકઆઇ ઓલ વેધર વિમાન પણ આ યુદ્ધ અભ્યાસમાં ભાગ લઈ રહ્યા છે.
યુદ્ધ જહાજો કોચી અને તેગ ભાગ લેશે.
ભારત(India)તરફથી જગુઆર અને સુખોઇ-30 એમકેઆઈ ફાઇટર એરક્રાફ્ટ, આઈએલ-78, એર-ટુ-એર રિફ્યુઅલિંગ ટેન્કર એરક્રાફ્ટ, અવાકસ એરક્રાફ્ટ અને યુદ્ધ જહાજો કોચી અને તેગ ભાગ લેશે. ભારતીય નૌસેના( Navy) એ આ યુદ્ધ અભ્યાસમાં પી -8 આઇ મેરીટાઇમ સર્વેલન્સ એરક્રાફ્ટ અને મિગ -29 કે વિમાન ઉપરાંત અન્ય જહાજો અને વિમાનો પણ શામેલ કર્યા છે.
As #INSKochi & #INSTeg rendezvous the #USSRonaldReagan Carrier Strike Group, Black Panthers take off for aerial interaction with @USNavy. @IAF_MCC SU 30 MKI & JAG AWACS AEW&C IL-78 & #IndianNavy LRMP P8I & Dornier also participating honing interoperability as integrated force. https://t.co/pv9f97iUMl pic.twitter.com/bImm66a62V
— SpokespersonNavy (@indiannavy) June 23, 2021
યુએસ કેરિયર સ્ટ્રાઈક ગ્રુપ (સીએસજી) હાલમાં હિંદ મહાસાગર ક્ષેત્રમાં સ્થિત છે. કેરિયર બેટલ ગ્રૂપ અથવા કેરિયર સ્ટ્રાઈક ગ્રૂપ એ નૌકાદળનું મોટી ટુકડી છે જેમાં વિમાન વાહક જહાજ તેમજ અનેક વિનાશક અને અન્ય જહાજોનો સમાવેશ થાય છે.
યુ.એસ.એસ. હાલસે અને યુ.એસ.એસ. શિલોહનો સમાવેશ
ભારતીય નૌકાદળના પ્રવક્તા કમાન્ડર વિવેક મધવાલે મંગળવારે જણાવ્યું હતું કે, ભારતીય નૌકાદળ( Navy)અને એરફોર્સ વિમાન ભારતીય નૌકાદળના યુદ્ધ જહાજો સાથે સંયુક્ત યુદ્ધ અભ્યાસમાં ભાગ લેશે. આમાં યુ.એસ. નીમિતઝ-વર્ગના વિમાન વાહક જહાજ રોનાલ્ડ રીગન, આર્લેધ બ્રુક-વર્ગના મિસાઇલ વિનાશક, યુ.એસ.એસ. હાલસે અને યુ.એસ.એસ. શિલોહનો સમાવેશ થશે.
દરિયાઇ કામગીરીમાં સંકલન કરવાની ક્ષમતા
બે દિવસીય યુદ્ધ અભ્યાસનો ઉદ્દેશ દ્વિપક્ષીય સંબંધોને મજબૂત બનાવવાનો અને દરિયાઇ કામગીરીમાં સંકલન કરવાની ક્ષમતા દર્શાવવાનો છે. આ કવાયત તિરુવનંતપુરમની દક્ષિણમાં પશ્ચિમ દરિયા કિનારા પર હાથ ધરવામાં આવી રહી છે. ભારત-અમેરિકાના સંરક્ષણ સંબંધો વર્ષોથી મજબૂત થયા છે. જૂન 2016 માં અમેરિકાએ ભારતને એક મુખ્ય સંરક્ષણ સાથી ગણાવ્યું હતું.
Published On - 8:11 pm, Wed, 23 June 21