Vande Bharat: PM મોદી આજે વધુ 2 વંદે ભારત ટ્રેનને આપશે ગ્રીન સિગ્નલ, જાણો ટ્રેનમાં કેવી હશે સુવિધા?
પીએમ મોદી 7મી જુલાઈએ ગોરખપુર રેલવે સ્ટેશનના પુનઃવિકાસનો શિલાન્યાસ કરશે. સ્ટેશનના રિડેવલપમેન્ટ માટે લગભગ 20 કરોડ રૂપિયાનો ખર્ચે કરવામાં આવશે. રેલવે અનુસાર, ગોરખપુર રેલવે સ્ટેશનને વર્લ્ડ ક્લાસ બનાવવાની યોજના છે.
Vande Bharat Trains: વડાપ્રધાન નરેન્દ્ર મોદી (PM Modi) શુક્રવારે ગોરખપુર અને લખનૌ વચ્ચે દોડતી વંદે ભારત એક્સપ્રેસને લીલી ઝંડી આપશે. અહીંથી જોધપુર અમદાવાદ વચ્ચે ચાલી રહેલી વંદે ભારતને પણ રવાના કરશે. આ સિવાય પીએમ મોદી 7મી જુલાઈએ ગોરખપુર રેલવે સ્ટેશનના પુનઃવિકાસનો શિલાન્યાસ કરશે. સ્ટેશનના રિડેવલપમેન્ટ માટે લગભગ 20 કરોડ રૂપિયાનો ખર્ચે કરવામાં આવશે. રેલવે અનુસાર, ગોરખપુર રેલવે સ્ટેશનને વર્લ્ડ ક્લાસ બનાવવાની યોજના છે. આ યોજના હેઠળ પીએમ તેનો શિલાન્યાસ કરશે. આ સૌથી સુંદર રેલવે સ્ટેશન હશે. આ સાથે ગોરખપુરને ધાર્મિક શહેર તરીકે વિકસાવવામાં આવશે.
ટ્રેનમાં કેવી હશે સુવિધા?
પશ્ચિમ રેલવે 9મી જુલાઈ, 2023થી અમદાવાદ (સાબરમતી) અને જોધપુર વચ્ચે વંદે ભારત એક્સપ્રેસ ટ્રેન શરૂ કરવા માટે તૈયાર છે. આરામદાયક બેઠક, સ્લાઈડિંગ દરવાજા, વ્યક્તિગત રીડિંગ લાઈટ્સ, મોબાઇલ ચાર્જિંગ પોઇન્ટ્સ, એટેન્ડન્ટ કોલ બટન્સ, બાયો-ટોઇલેટ્સ, ઓટોમેટિક એન્ટ્રી અને એક્ઝિટ ડોર, સીસીટીવી કેમેરા વગેરે જેવી આધુનિક સુવિધાઓથી સજ્જ આ ટ્રેન મુસાફરો માટે ખુલ્લી મુકવામાં આવશે.
પશ્ચિમ રેલવેના મુખ્ય જનસંપર્ક અધિકારી સુમિત ઠાકુર કહે છે કે અમદાવાદ (સાબરમતી) – જોધપુર વંદે ભારત એક્સપ્રેસ 9 જુલાઈ, 2023થી દોડવાનું શરૂ થશે. આ ટ્રેન અઠવાડિયામાં 6 દિવસ ચાલશે અને મંગળવારે નહીં ચાલે. ટ્રેન નંબર 12462 અમદાવાદ (સાબરમતી) – જોધપુર વંદે ભારત એક્સપ્રેસ અમદાવાદ (સાબરમતી)થી 16.45 કલાકે શરૂ થશે અને તે જ દિવસે 22.55 કલાકે જોધપુર પહોંચશે.
આ પણ વાંચો: Breaking News : 14 જુલાઈએ લોન્ચ થશે ચંદ્રયાન-3, ISROએ જાહેર કરી તારીખ અને સમય
PRS કાઉન્ટર પર બુકિંગ ચાલુ
તેવી જ રીતે રિટર્નમાં ટ્રેન નંબર 12461 જોધપુર-અમદાવાદ (સાબરમતી) વંદે ભારત સુપરફાસ્ટ એક્સપ્રેસ જોધપુરથી 05.55 કલાકે ઉપડશે અને તે જ દિવસે 12.05 કલાકે અમદાવાદ (સાબરમતી) પહોંચશે. આ ટ્રેન બંને દિશામાં મહેસાણા, પાલનપુર, આબુ રોડ, ફાલના અને પાલી મારવાડ સ્ટેશનો પર ઉભી રહેશે. આ ટ્રેનમાં એસી ચેર કાર અને એક્ઝિક્યુટિવ ચેર કાર કોચ છે. ટ્રેન નંબર 12462 નું બુકિંગ તમામ PRS કાઉન્ટર અને IRCTC વેબસાઇટ પર ખુલ્લું છે.
