Vaccine Registration : હવે રજીસ્ટ્રેશન કરવા પર મળશે 4 Digit નો Security Code
યૂઝરને ચાર ડિજીટનો એક સિક્યોરિટી કોડ મળશે. જેનો ઉપયોગ વેરીફિકેશનના સમયે કરવામાં આવશે.
ભારત સરકારે કોવિન પોર્ટલમાં એક નવા ફિચરનો સમાવેશ કર્યો છે. આ નવા ફિચરના અંતર્ગત યૂઝરને ચાર ડિજીટનો એક સિક્યોરિટી કોડ મળશે. જેનો ઉપયોગ વેરીફિકેશનના સમયે કરવામાં આવશે. વેક્સિનેશનના સમયે યૂઝરે આ વેરીફિકેશન કોર્ડ સ્વાસ્થ્ય કર્મચારીને બતાવવો પડશે. જેના કારણે રસીકરણને લઇને સમગ્ર જાણકારી રેકોર્ડ થઇ જશે.
મળતી માહિતી અનુસાર, ઘણા સમયથી લોકો દ્વારા સરકારને ફરિયાદો મળી રહી હતી. ક્યારેક ઓટીપી આવતા વાર લાગતી હતી તો ક્યારે રસીકરણ થયા હોવાનો મેસેજ અન્ય યૂઝર પાસે પહોંચી જતો. જે લોકોએ કોવિન એપ પર રસીકરણ માટે સ્લોટ બૂક કર્યો હતો પરંતુ વેક્સિન લેવા ન ગયા હોય તેવા લોકોને પણ વેક્સિન આપી દીધી હોવાનો મેસેજ આવતો હતો. માટે સરકારે હવે વેરીફિકેશન કોડ બતાવવો ફરજિયાત કરી દીધો છે.
હવે કોવિન પોર્ટલ પર રજીસ્ટર કરી ઓનલાઇન સ્લોટ બુક કરાવનારને એક મેસેજ આવશે. જેમાં 4 ડિજીટનો એક સિક્યુરીટી કોડ હશે. સાથે જ એક એક્નોલેજમેન્ટ સ્લીપ પણ મળશે. જેમાં પણ આ કોડ આપવામાં આવ્યો હશે. યૂઝર આ સ્લીપને ફોનમાં સેવ પણ કરી શકશે.
કોવિન એપ પર આ નવુ ફિચર સુનિશ્ચિત કરશે કે જે લોકોએ રજીસ્ટર કરાવ્યુ છે તેમના સુધી સચોટ માહિતી પહોંચે અથવા તો તેમને લઇને સાચી જાણકારી નોંધાય. સરકારનું માનવુ છ કે આ નવા ફિચરથી વેક્સિનેશનની સમગ્ર પ્રક્રિયા દરમિયાન લોકોને કોઇ તકલીફ નહી પડે